Се огласи Амбасадата на Велика Британија во Босна и Херцеговина по повод прославата во Бања Лука на која присуствуваа официјални лица од Босна и Херцеговина, субјекти како и високи српски функционери.
Како што пренесува Кликс.ба, во соопштението за медиумите Амбасадата на Велика Британија наведува дека Уставот на Босна и Херцеговина е недвосмислен.
„Уставот на Босна и Херцеговина е недвосмислен: БиХ е единствена, суверена држава која се состои од два ентитета и округот Брчко. Дејтонскиот мировен договор ја обезбедува правната и уставната основа на БиХ, а сите актери и потписници мора да го почитуваат наведено.
Истовремено, ги повикаа властите на РС да ја почитуваат одлуката на Уставниот суд.
„Исто така, ги повикуваме властите во Република Српска да ја почитуваат и спроведат претстојната привремена мерка на Уставниот суд на Босна и Херцеговина за Законот за употреба на знамето, грбот и химната. Зборовите имаат своја тежина. Политичките лидери и јавните личности имаат посебна одговорност во користењето на говорот што промовира помирување, а не за помирување на дијалогот“, велат тие.
На крајот, од Амбасадата изјавија дека се посветени на обезбедување на стабилноста на БиХ.
„Обединетото Кралство, заедно со нашите меѓународни партнери, останува посветено да обезбеди зачувување на триесетте години мир, стабилност и напредок постигнати преку Дејтонскиот мировен договор, во интерес на сите граѓани на Босна и Херцеговина“, се вели во соопштението.
Предупредувањето доѓа откако во во Бања Лука, каде се организираше свечена академија по повод Денот на српската државност, Милорад Додик повторно зборуваше за тоа како Србите во РС не се чувствуваат како „босански Срби“ и дека Република Српска мора да го води својот „ослободителен процес против Босна и Херцеговина“.
На прославата присуствуваше и претседателот на Србија, Александар Вучиќ и бројни делегации, а меѓу присутните, во вториот ред, веднаш зад Додик и Вучиќ беше и претседателот на Кошаркарскиот сојуз на Северна Македонија, Перо Антиќ.
Подготви: Д. Мишев
