Руските медиуми и Телеграм каналите известуваат за напад со беспилотни летала на главниот град на Руската Федерација, каде што била оштетена зградата до Министерството за одбрана, додека друг дрон удрил во деловниот центар Лерој Мерлин, пренесува Укринформ.
Околу 04:00 часот, каналот Шот Телеграм објави за нападот на беспилотните летала на Москва, кој ги објасни звуците од експлозии што се слушаат над градот.
Каналот извести за експлозијата во московскиот деловен центар на улицата Лихечова. По експлозиите можеше да се забележи малку чад и мал пожар во деловниот центар. Полицијата набрзо го блокирала сообраќајот на улицата во близина.
Прозорците во една од зградите на авенијата Комсомолски беа искршени, коловозот беше опколен од полицијата. Познато е дека зградата во која беа искршени стаклата се наоѓа веднаш до зградата на Министерството за одбрана.
Како резултат на експлозиите, уништен е покривот на двокатна зграда на авенијата Комсомолски. Во спротивната зграда искршено стакло во продавницата на првиот кат и во станбениот дел од зградата на четвртиот кат. Освен тоа, оштетена е и стаклената фасада на соседниот објект.
Градоначалникот на Москва, Сергеј Собјанин, извести дека „околу 04:00 часот биле забележани напади со беспилотни летала врз две нестанбени згради“. Според него, нема пријавени сериозни штети или жртви.
Нападите со беспилотни летала врз Москва доаѓаат откако ноќта на 23 јули, руската армија изврши ракетен напад врз самото срце на Одеса. Оштетени се Катедралата Преображение, Домот на научниците, пет детски градинки, четири училишта и повеќе станбени згради – сите се под заштита на УНЕСКО.
Подготви: Д. Мишев
