ЦИВИЛ прибира апликации за набљудувачи на изборите

ЦИВИЛ – Центар за слобода прибира пријави (апликации) за краткорочни и долгорочни набљудувачи на изборниот процес. Предност имаат оние што веќе биле набљудувачи за организацијата во претходните изборни процеси, како и оние што ги посетувале семинарите за граѓанско новинарство. Сепак, сите заинтересирани треба да пополнат апликација, а посебна комисија ќе ја изврши финалната селекција. Едно од правилата е дека не може да се биде набљудувач за две организации истовремено. Партиски активисти немаат право на учество во овој повик. 

Организацијата, позната по објавувањето на ставовите и фактите за реалноста без калкулирање и цензура и по бескомпромисната борба за човекови права и слободи, спроведува долгорочен мониторинг на општествено-политичките и изборните процеси и состојбата на човековите права. 

ЦИВИЛ останува отворена за учество на сите граѓанки и граѓани со можноста да пријавуваат случаи на повреда на човековите права, како и изборни нерегуларности, поткуп на гласачи, притисоци, закани, говор на омраза и насилство. Воедно, се отвораат и нови позиции во повеќе општини низ земјата.

Посебен фокус на мониторингот на ЦИВИЛ во наредниот период ќе биде политичкото финансирање, корупцијата, национализмот и екстремистичките тенденции во земјата.

Овие активности се дел од проектот „Граѓанките и граѓаните за слободно општество“, поддржан од Министерството за надворешни работи на Сојузна Република Германија. Во март и април ќе бидат одржани и неколку семинари за обука и работилници со успешните апликанти за ангажман во проектите и во мониторингот.

 

 


Сите текстови потпишани со ЦИВИЛ Тим за односи со јавноста се достапни за целосно преземање и објавување. Авторските права за фотографиите и илустрациите се задржани.
Фотографија во прилог на текстот: Б. Јордановска (од теренските активности на ЦИВИЛ во 2016 година, проект „Напред!“ за мониторинг на изборните процеси)

*

Во соопштението на ЦИВИЛ има и додаток во кој организацијата ги повикува сите заинтересирани граѓанки и граѓани да останат во контакт и да учествуваат во проектите:

ОСТАНЕТЕ ВО КОНТАКТ СО ЦИВИЛ

Лајкнете ја Фејсбук страницата ЦИВИЛ.МК за да ги следите активностите на организацијата и продукцијата на медиумската платформа на ЦИВИЛ на македонски, албански и англиски јазик.
За да дознаете повеќе за медиумската платформа на ЦИВИЛ, кликнете ТУКА (преглед на кој се наоѓаат линковите на сите веб страници на организацијата).
За оние што се заинтересирани за посебни теми, можат да ги лајкнат и тематските Фејсбук страници:
Социјална правда и работнички права: СОЦИЈАЛНА ПРАВДА СЕГА!
Екологија, социјална правда и антинационализам: GREEN CIVIL
Граѓанско новинарство, транспарентност и одговорност: CITIZEN JOURNALISTS MACEDONIA
Сѐ што ЦИВИЛ објавува за изборните процеси: СЛОБОДНИ ИЗБОРИ | ZGJEDHJE TË LIRA
Фејсбук страницата на www.drejt.mk на албански јазик: DREJT.MK
За повеќе информации, пишете ни на civil@civil.org.mk или јавете се на 02/5209176. Работното време на ЦИВИЛ е 9-17 часот секој работен ден.




Дали криминалци треба да нѐ претставуваат во Европа и во светот?

Одговорот на прашањето што денеска го постави ЦИВИЛ во својата Фејсбук анкета е повеќе од очигледен. Сепак, 4% одговорија со „не“. Прашањето е: Дали мислите дека лица што се под истрага или се обвинети за тежок криминал треба да ја претставуваат Македонија во европските и светските институции, како што е НАТО, ЕУ, ОН…?

На пример, денешното рочиште за случајот „Талир“ во Кривичниот суд, беше одложено бидејќи обвинетиот пратеник Илија Димовски е на службен пат во Брисел, каде треба да присуствува на парламентарен состанок на генералното собрание на НАТО, од 17 до 21 февруари. Бујар Османи е вицепремиер во Владата, а за него неодамна се отвори истрага во СЈО. И тие не се единствените примери!

Без оглед на тоа колку е очигледен одговорот, гласајте на Фејсбук страницата на ЦИВИЛ.

 




Државата и Скопје на меѓународен суд заради загадувањето

Четирите граѓански организации – Прва детска амбасада во светот– Меѓаши, „Радар“, „Зелен институт“ и ,,Новинари за човекови права” подготвуваат тужба кон државата и Град Скопје пред домашните и меѓународни судови поради загадувањето на воздухот.

Во исто време, овие четири организации покренаа петиција наречена „Нула толеранција за аерозагадувањето“. (МЕТА)

фото: Роберт Атанасовски




Срцето на градот

Во срцето на главниот град, ова е честа глетка зад Домот на културата „Кочо Рацин“. Фотографијата ја направи Г. Наумовски.




ССНМ со осуда за заканите на Бојан Јовановски кон новинарката Јордановска

Самостојниот синдикат на новинарите и на медиумските работници најостро го осудува односот на де-факто сопственикот на 1ТВ, Бојан Јовановски, кон новинарката на Макфакс, Мери Јордановска.

Според ССНМ, Бојан Јовановски во својот фејсбук-пост се обидувал да ѝ изврши притисок на новинарката, со тоа што на јавна сцена ѝ открива дека неговиот и медиумот во којшто Јордановска работи преговарале за да соработуваат.

„Повод за нападите на Бојан Јовановски се коментарите на Мери Јордановска поврзани со емисијата „Македонски инсајдер“ која на 17 февруари се емитуваше на 1ТВ.  ССНМ ова го сфаќа како опомена за новинарката, да внимава што зборува, зашто би можела да има последици по нејзиното работно место. Ваквите реакции од сопственици на медиуми придонесуваат да се создаде пракса во која сите новинари би се плашеле да го користат своето право на слободно изразување.

Сметаме дека вакви коментари директно влијаат врз слободата на изразување којашто впрочем е универзално човеково правo и треба да ја ужива секој новинар, за да има минимум услови да работи. Исто така упатуваме апел до редакцијата на Макфакс да се огради од коментарите на Бојан Јовановски“, се вели во реакцијата на ССНМ.




И ние имаме право на достоинствен живот

На иницијатива на група граѓани од  Тетово, а со поддршка на невладините организации, професионални уметници и Секторот за јавни дејности на општината, се реализираше проектот „И ние имаме право на достоинствен живот“.

По тој повод на 21 февруари со почеток во 19 часот во Детски театарски центар во Скопје, Стара Чаршија, ќе има хуманитарна изложба посветена на Ромите што живеат на улица 29 Ноември во Тетово.

Средствата од продадените уметнички дела се наменети за низа активности за подобрување на условите за живот на овие луѓе.

Б. Ј.




Расфрлен отпад покрај кејот на Вардар

Граѓанска новинарка до редакцијата на ЦИВИЛ Медиа испрати фотографии од расфрлан отпад покрај кејот на Вардар во Долно Нерези, во близина на трговскиот центар „Сити мол“, во Скопје.

„Имаше невидена количина на ѓубре, не можеше ни да се долови сè на фотографиите. Личеше на мини депонија. Имаше фрлени градежни материјали, врати, машини за перење и многу многу ќеси со ѓубре. Толкава количина смет имаше што не можевме да го продолжиме патот, како препрека беше, цел рид од ѓубре“, вели граѓанската новинарка за ЦИВИЛ.

Случаите во кои граѓанските новинари фотографираат места со „мини депонии“ низ Скопје стануваат сè почести и истите ја покажуваат граѓанската неодговорност и свест за зачувување на животната средина, од која патем и тие самите опстојуваат.

А. П. 




Теговски: Антисемитизмот на интеренет и на социјалните мрежи стана глобален феномен

Јован Теговски, националниот координатор и шеф на македонската делегација во ИХРА на конференцијата одржана по повод Меѓународниот ден на сеќавање на Холокаустот  истакна дека денеска сите сме сведоци на растењето на антисемитизмот, не само во неговата традиционална форма, туку и во нова пософистицирана форма.

„Антисемитизмот на интернет и на социјалните мрежи стана глобален феномен. Се соочуваме со многу сериозен проблем, проблем којшто не се однесува само на Евреите, туку проблем којшто е глобален, бидејќи антисемитските инциденти ги доведуваат во прашање демократските вредности на нашето општество“, истакна Теговски.

Тој потоа зборуваше за активностите коишто се случуваат во Македонија во процесот на борба против антисемитизмот и одрекувањето на Холокаустот.

Превод и обработка на текст: Маја Ивановска
Камера: Дехран Муратов
Монтажа: Ариан Мехмети




Успешен семинар за граѓански новинари во Велес

На дводневниот семинар за граѓански новинарки и новинари во организација на ЦИВИЛ – Центар за слобода, кој се одржа викендов во Велес, учестуваа 25 учесници од 11 општини од земјата.

Посебната комисија која ги верификуваше и одобри апликациите за учество на семинарот, внимателно ги селектираше учесниците имајќи ја предвид рамномерната регионална застапеност, како и разните општествени профили, со цел да бидат застапени најразлични професии, што е всушност и суштината на граѓанското новинарство во светот.

На овој дводневен семинар беа опфатени најразлични теми кои им помогнаа на граѓанските новинар(к)и да се стекнат со вештини и практични знаење од областа на новинарството, но и човековите права и слободи, изборните процеси и општествено политичките случувања. Тие исто така се запознаа со основите на изброниот мониторинг, и навременото и објективно информирање и известување за општествените и политичките процеси.

На семинарот беа претставени и новите компоненти на проектот, кои на слушателите им овозможуваат директно учество во имплементацијата на проектот, како на медиумската платформа, така и во работата на ЦИВИЛ како огранизација за човекови права.

Семинарот беше и вовед во започнување на имплементацијата на компонентата „медиуми на заедниците“ чија цел е да формира два тима што ќе бидат финансиски поддржани од ЦИВИЛ да започнат свој блог или веб страница со информативни содржини за локалните настани.

По теоретскиот дел и предавањата на тимот од искусни предавачи, како и граѓански новинари кои веќе ги поминале овие обуки и се дел од големото семејство на граѓански новинари од земјата, учесниците вториот ден имаа практична настава и работа на терен од каде произлегоа многу содржини кои во наредниот период ќе бидат објавени на медиумската платформа на ЦИВИЛ.

Во наредните месеци ЦИВИЛ ќе организира уште еден ваков голем семинар за кој заинтересираните ќе можат да се информираат на нашите сајтови и фејсбук страници.




Емоџиња со попреченост – чекор за инклузија

„Најбрзо растечкиот јазик” конечно ќе го вклучува најголемото малцинство во светот.

Новите емоџиња вклучуваат мажи и жена со разни попречености.

Како лице со попреченост, никогаш не сум се видел себеси претставен во широкиот спектар на емоџиња – тие мали дигитални слики – кои се наоѓаат на паметните телефони. Меѓу нив има емоџиња магионичари, сирени, зомбиња и вампири. Има илјадници емоџиња но досега, ниту едно со попреченост.

Сето тоа сега ќе се промени. Подоцна во текот на годината, паметните телефони ќе имаат 59 нови емоџиња кои ќе ги претставуваат луѓето со попреченост. Новите икони ќе вклучуваат мажи и жени со разни видови на попреченост. Ќе има луѓе со бел стап, со водич куче, со вештачки екстремитети, луѓе кои користат инвалидска количка и слушен апарат. Исто така има и емоџи од човек кој користи знаковен јазик.

Емоџињата станаа значаен дел од начинот на кој многу од нас комуницираат. Тие можат да ни помогнат да искажеме честитки, лични новости, добро и лошо располошение, желби и планови. Всушност, за емоџито се смета дека е најбрзо растечкиот јазик. Затоа е сосема правилно луѓето со попречености, како најголемото малцинство во светот, да се претставени и да можат да имаат пристап до културата и комуникацијата подеднакво.

Сè уште е долг патот до целосна инклузија и соодветна претставеност на луѓето со попречености, но е голем чекор напред да бидат вклучени во емоџињата. Во исчекување сум да го пратам моето прво емоџи со бел стап за лица со оштетен вид.

Превод: Наташа Цветковска