Во интервју за ЦИВИЛ Медиа, Исмет Рамадани, поранешен политичар и пратеник во македонскиот парламент, и прв човек на Евроатлантскиот совет, зборуваше за реториката и наративите на кандидатите за претседател во пресрет на парламентарните и претседателските избори.
Тој кажа дека можеби подбуцнати и од самите лидери на политичките партии имаме вокабулар кој не доликува на кандидати за претседател на државата.
„Кандидатите упатуваат кваливикации кои што се надвор од тоа што е политика“, кажа Рамадани.
Според него кандидатите понекогаш се држат а понекогаш кажуваат работи што не се во рамките на нивните надлежности.
„Ветуваат нешто што не е во нивните надлежности, затоа што тие ако ништо друго треба да ги прочитат тие членови во уставот од член 79 до 87 и таму таксативно нивните ингеренции не се тоа што го кажуваат низ кампањата“, истакна Рамадани.
Во однос на тоа зошто условно кажано македонските партии „ан блок“ ги одбиваат барањата на албанските партии за избор на претседател во Собранието и други прашања, тој вели дека првиот претседател беше избран во Собрание, и не гледа некој проблем.
„Без разлика дали се прифаќа или не се прифаќа одреден предлог или одредена идеја мислам дека самиот предлог не е надвор од тоа што не се случило или во соседсвото или некаде во Европа. Имаме ние многу примери каде што се бира претседател во Собрание, и ги имаат истите компетенcии како претседателот што се избира во непосредни избори. Може да се разговара меѓу политичките партии и политичките чинители но не и да се даде некоја квалификација или да се одбие дека ова е националистичкo барање. Ова апсолутно не короспондира со реалноста и здравиот разум во политиката“.
На прашање како ги коментира некои од ветувањата на кандидатите за можно укинување на трите договори тој од Преспа, Охридскиот и договорот за добрососедство со Бугарија Рамадани рече дека има кандидати кој по секоја цена сакаат да ја комплицираат патот на Северна Македонија кон членство во Европската унија, а во исто време како да се заинтересирани да создават меѓуетничи и политичи тензии.
Назми Абдурахмани
камера: Атанас Петровски
монтажа: Ариан Мехмети
фотографија: Б. Јордановска
