Според Џелал Хоџиќ, директорот на Агенцијата за остварување на правата на заедниците под 20%., Законот за јазиците го затвора последното прашање од Рамковниот договор, и дека е важен за новото парламентарното мнозинство, и дека треба истиот да стапи на сила.
ЦИВИЛ Медиа: Како и дали ќе помогне овој закон на помалку бројните заедници во Република Македонија?
Хоџиќ: Овој закон ќе помогне во повеќе аспекти. Првиот аспект е дека се релаксираат меѓуетничките односи, вториот аспект е дека го регулира, постои член во законот кој прецизно регулира употреба на јазиците на населението кои се под 20 проценти, во патните исправи, пасошот и личните документи, но и во општините каде што тие заедници се над 20 проценти.
Постои и една пракса која произлегува од релаксирачките меѓуетнички односи, а тоа е дека повеќе општини во Македонија, го воведуваат јазикот на одредена заедница која не е над 20 проценти, како знак на добра волја и почит кон граѓаните, и пример за тоа ќе ја дадам најавата на градоначалникот на општина Чаир, дека ќе го воведе босанскиот јазик во општината како службен јазик, иако бошњаците во Македонија не се над 20 проценти.
Исто така, сметам дека треба да се прекине со таа пракса што секогаш, кога нашите соограѓани албанци треба да остварат одредено право, ВМРО-ДПМНЕ, тогаш ќе се сети на заедниците кои се под 20 проценти, односно на бошњаците, србите, власите, ромите, турците и сите останати кои живеат во Република Македонија и сметам дека таа пракса е штетна за нашето општество.
Напротив, заедниците под 20 проценти, ништо не губат од овој закон, а ако дополнително сметаме дека нешто треба да се подобри, ја имаме таа можност во наредниот период она што е потреба на сите заедници под 20 проценти да си ги остварат своите права, им стоиме на располагање.
Ангела Петровска
камера: Дехран Муратов
