Од денеска стапуваат на сила измените на Кривичниот законик, кои ќе значат поблаги казни за дел од обвинетите за злоупотреба на службената положба и злосторничко здружување, а за некои дури и крај на судските процеси.
Од Јавното обвинителство велат декасе уште немаат конкретен податок како ќе постапуваат во предметите:
-Јавното обвинителство го анализира текстот на новите законски одредби, по што ќе одржи стручен колегиум во проширен состав со цел да ги разгледа сите прашања поврзани со применета. Начинот на примена ќе зависи и од фактите во секој предмет поединечно, велат од ЈО
Според анализите на Коалицијата „Сите за правично судење“стапувањето во сила на овие измени ќе значи и застарување на дел од предметите на СЈО, како „Тендери“, „Титаник“, „Таргет – Тврдина“, „Талир“, „Траекторија“, ТНТ. Апсолутна застареност стапува за 14 предмети во кои се обвинети над 80 лица.
„ Се она што досега беше сработени во рамки на овие судски предмети од страна на надлежните институции ќе остане залудно. Исто така она што сметам дека е важно е што наредниот период треба да се види се трошоците за водење на овие судски постапки од причина што станува збор за судски предмети кои се судеа со години наназад во кои беа обвинети повеќе лица имаше обемен доказен материјал и во кои обвинетите имаа ангажирано повеќе од еден бранител. “-вели Лејла Тутиќ – Коалиција од Коалицијата „Сите за правично судење“.
Вчера и највисокиот суд во државата се огласи со став дека донесувањето на законски измени без транспарентен процес преку јавна дебата и стручна расправа е спротивно на заложбите за реформи на законодавството во согласност со европските стандарди.
М. Д.
