ВЕСТ НА ДЕНОТ
Руските окупатори ја разнесоа браната Каховка на реката Днипро, осуда од НАТО
Руските сили ја разнесоа браната Каховка на реката Днипро, која е дел од хидроелектраната Каховка (ХЕ), соопшти Оперативната команда Југ, пренесува Укринформ. „ХЕ „Каховка“ е крената во воздух од руските окупаторски сили. Во моментов се утврдуваат размерите на уништувањето, брзината и обемот на вода, веројатните подрачја на поплави. Сите служби работат. Ситуацијата се следи“, објави Оперативната команда Југ.
Уништувањето на браната Нова Каховка во јужна Украина ја покажува бруталноста на руската војна во Украина, изјави денеска генералниот секретар на НАТО, Јенс Столтенберг.
„Уништувањето на браната Каховка денеска става во опасност илјадници цивили и предизвикува голема штета на животната средина. Ова е безобразен чин, кој уште еднаш ја покажува бруталноста на руската војна во Украина“, додаде Столтенберг.
ИЗЈАВА НА ДЕНОТ
(ЕКСКЛУЗИВНО) Олександр Мережко, Врховна Рада, Украина: Не е прашање дали, туку кога ќе станеме членка на ЕУ и НАТО, ние ѝ припаѓаме на Европа, нашиот морал е висок, ќе победиме!
Олександр Мережко е пратеник во Врховна Рада на Украина (Верхо́вна Ра́да Украї́ни) и е претседавач на Комитетот за надворешна политика и интерпарламентарна соработка. Тој, во ексклузивно интервју за ЦИВИЛ Медиа говори за жестоките предизвици на украинската нација во стремежот да ја сопре руската брутална инвазија и да ги ослободи окупираните територии и за геноцидот што го спроведува рускиот агресор.
ФЛЕШ ВЕСТИ
ПРАВДА Членовите на Судскиот совет Мирјана Радевска-Стефкова и Зоран Герасимовски поднесоа оставки од функциите, потврдија за МИА од Судскиот совет.
ИНТЕГРАЦИИ Доколку не се направат уставните измени дефинитивно ќе биде испуштена шансата за ЕУ, вели вицепремиерот Маричиќ.
МЛАДИ „Министерството за труд и социјална политика во изминатите три години интензивно работи на унапредување на современиот концепт на правда на децата преку зајакнување на деинституционализацијата, кој во својата суштина го става акцентот на вонинституционалниот третман на децата во ризик и децата во судир со законот, наспроти институционалниот“, рече министерката за труд и социјална политика, Јованка Тренчевска на конференцијата „Зајакнување на отпорноста кон организираниот криминал и корупција меѓу младите во Југоисточна Европа“.
РЕГИОН Народното собрание на Бугарија на вонредна седница ги одобри структурата и составот на новата бугарска влада со премиерот академик Николај Денков, вицепремиерката Марија Габриел и 18 министри, по што кабинетот „Денков-Габриел“ положи заклетва пред Народното собрание „во името на Република Бугарија да ги почитува Уставот и законите на земјата и во сите нивни постапки да се раководат од интересите на народот“.
ВОЈНА ПРОТИВ УКРАИНА
Украинскиот претседател Володимир Зеленски одржа итен состанок на Советот за национална безбедност и одбрана (НСДЦ) за да се договори за сет меѓународни и безбедносни мерки по уништувањето на браната на хидроцентралата Каховка од страна на руските сили, пренесува Укринформ.
„Одржав итен состанок на Советот за национална безбедност и одбрана. Во текот на ноќта во 02:50 часот руските терористи извршија внатрешна детонација на структурите на ХЕЦ Каховка [хидроцентрала]. Околу 80 населени места се во зоната на поплави, објави Зеленски на Твитер.
*
Претседателот на Европскиот совет, Шарл Мишел изјави на Твитер дека е шокиран од нападот без преседан на браната на хидроелектраната Каховка (ХЕЦ), додавајќи дека уништувањето на цивилната инфраструктура од страна на руските напаѓачи се квалификува како воено злосторство.
„Шокирани од нападот без преседан на браната Нова Каховка. Уништувањето на цивилната инфраструктура јасно се квалификува како воено злосторство – и ние ќе бараме одговорност од Русија и нејзините извршители“, рече Мишел.
*
Мотивите на руските агресори да ја разнесат браната, покрај нивните перманентни обиди да уништат сé во Украина, може да се најде ако се погледне наназад во историјата, на која Владимир Путин е толку голем поклоник. Тој само ги повторува, како и многу пати досега, постапките на неговиот идол, советскиот диктатор Сталин.
НА 29 август 1941 година Тајната полиција на Сталин ја крена во воздух браната Днипро во Запорижја, која ја храни електраната Днипрострој во обид да го забави напредувањето на нацистичките германски трупи Советите беа уверени дека германското напредување може да биде попречено од забрзаните струи и поплавите предизвикани од уништувањето на браната, пишува Гардијан.
*
Украинските сили напредуваат северно и југозападно од Бахмут додека Москва и Кијив сигнализираат за почеток на украинската контраофанзива
МУЛТИКУЛТУРА
Дерала: Невидливите ѕидови на поделбите мора да ги урнеме прво кај нас самите, во нашите глави
Таравари: Гостивар е единствена општина во светот каде што се вее ромското знаме и многу сум горд на тоа
АЛ-ПРЕС
Состојбите на северот на Косово остануваат во тесен фокус на медиумите, кои известуваат дека ОБСЕ ќе и помогне на Централната изборна комисија за „инклузивни избори”. Во Звечан и денеска се собрани протестанти, но според медиумите, состојбата е мирна, а отстранет е уште еден дел од бодликавата жица.
Ова се само дел од темите што редакцијата на ЦИВИЛ Медиа ги издвои од албанските медиуми во регионот, за денешното издание на АЛ-ПРЕС.
СЛОБОДНА ЗОНА
„Лидерската средба се претвори во пародија уште пред да се одржи. Мицкоски мисли дека поканата му даде простор за манипулации и пропаганда, но целата приказна околу учеството на Мицкоски во клучните процеси се претвори во бесмислица. Блуткава смеса од евтин популизам. Но наспроти сета гротеска, не треба да занемари дека се работи за жесток национализам и силна антизападна кампања со – потенцијално – големи последици по интеграциските процеси на земјата“, пишува Џабир Дерала во колумната „Политички дијалог а ла Мицкоски“.
„Зошто лидерска средба сега, што има ново да му каже премиерот Ковачевски на опозиционерот Мицкоски, што сите други големи „ѕверки“ не му го кажале веќе!
Тој упорно го одбива тоа и вели нема да гласа за уставние измени.
Тогаш повеќе од јасно е дека Мицкоски доаѓа на средбата со друга агенда. Тој очигледно повикот за лидерска го смета како признавање на поразот на СДСМ и е спремен да разговара само за „што потоа“, пишува Љубиша Николовски во колумната „Лидерска средба со извесен крај“.
Д. Муратов
