ДРАГАН МИШЕВ
Во контекст на засилена руско – српската пропаганда во дел од македонските медиуми, особено во одбрана на ликот и делото на српскиот претседател Александар Вучиќ. кој е на удар на српската јавност која во се помасовни протести остро се спротвставува на одлуката на Вучиќ да му дозволи ископување во Србија на Рио Тинто, напомош повторно е повикан контроверзниот универзитетскит професор, директор на Центарот за одржлив развој на Универзитетот Колумбија, поранечен економски советник на владите во Латинска Америка, Источна Европа и поранешниот СФРЈ и Советски Сојуз и докажан русофил, Џефри Сакс.
ЦивилМедиа веќе објави една опсежна анализа за тоа кој е всушност Џефри Сакс и како неговите аргументи патуваат некритички низ локалниот медиумски простор, кои се мислењата на неговите академски колеги за него, при што ги претстави и деловите од неговата биографија, која е поразлична од онаа како што сакаат да го претстават медиумите кои ги користат неговите услуги за своите агенди.
Повторно Сакс е на агендата на пропагандистите кои оперираат во регионот задолжени во одбрана Вучиќ со дезавуирање на проблемите со кои се соочува српскиот претседател во својата земја и одеците на истите во регионот. Сакс е повторно тука да укаже дека Србија со право се стреми да одржува добри дипломатски односи со сите партнери – САД, Русија, Европската Унија (ЕУ), земјите од Заливот, Кина и други, и секако да ги обвини САД, како дежурни виновници според наативот на автократите во регионот и ширум земјината тока. Според него, ако нешто на САД не им се допаѓа, тоа е неутралноста. “Или си со нас или си против нас“ е нивната стандардна позиција, која се заснова на ароганција и речиси никогаш не успева“, нагласува Сакс во интервју за НИН, со големо задовоство преземено од поголем дел од македонските медиуми, традиционано наклонети кон политиката на северниот сосед и пропагандните наративи на Москва.
Тој изјави дека Србија и балканскиот регион воопшто ќе напредуваат со мир, обновување на економските односи меѓу ЕУ и Русија, одржување на отворена трговија и соработка со Кина, силни економски односи меѓу Балканот и Блискиот Исток, мир во Палестина (имплементација на решението за две држави за Израел и Палестина под надзор на Обединетите нации) и европското партнерство со кинеската иницијатива „Појас и пат“, со еден збор – мултиполарност, во која главен збор ќе водат Русија и Кина, а не „ослогласените “ САД. Вокабулар речиси идентичен со оној на Путин, и во последно време прилично често употребуван на различни нивоа од политичкото миље во Северна Македонија.
Ова е само продолжение на она за што пишуваше ЦивилМедиа пред извесно време кога исто така се возбудија духовите во дел од македонските медиуми, повеќето традиционално ангажирани во одбрана на српскиот претседател Александар Вучиќ и следствено на тоа во ширењето на српската пропаганда, поради интервјуто на дискредитираната контроверзната американска медиумска личност, Такер Карлсон со, како што го нарекуваат, познатиот американски економист Џефри Сакс, во кое вториов, кој е некритички пренесен, „брутално искрено“ ќе изјави дека САД го бомбардирале Белград за да ја распарчат Србија и да создадат држава Косово каде што ќе имаат воена база, како и неговото откривање на „новата вистина“дека мотивите за НАТО бомбардирањето на Србија во 1999 година биле спасувањето на производителите на оружје, како повисок приоритет за коалицијата НАТО отколку, како што се изразил Карлсон – „угнетеното муслиманско население“. Истиот наратив што сега го користи српскиот претседател Вучиќ.
Овде вреди да се напомене дека, Сакс, кој имаше улога на економски советник на владите во Латинска Америка, Источна Европа и поранешниот Советски Сојуз, но и во владата на премиерот на поранешна СФРЈ, Анте Марковиќ, во 2013 година на состанок во Белград, на тогашниот претседател на српската влада, Александар Вучиќ му ги понудил своите совети за српската економија, вест која тогаш ја објавиле неколку македонски медиуми, a коja подоцна, од непознати причини, ја снема од нивните веб страни.
Карактеристично за сите портали е што при преземањето на изјавите на Сакс, тие се објавуваат интегрално, некритички и непотврдени, ниту од другата инволвирана страна, ниту од трет, независен извор.
И секако, „брутално искрената нова вистина“ на Џефри Сакс македонските медиуми според вообичаената пракса ја објавуваат во содејство со колегите од медиумите од соседна Србија.
Едно, две, и ликови како Џефри Сакс и Скот Ритер одново и одново ги гледаме на страниците на македонските медиуми. Секако не е прв пат, а сигурно нема да е ниту последен, на дел од македонските медиуми овие контроверзни ликови, блиски до политиката на Кремљ и Белград кои шират руски, и српски пропагандни наративи и дезинформации, да се повикуваат за коментарите овие омилени „аналитичари“ претставувани како експерти и „релевантни извори“ за анализи. Тоа што истите се разобличени, и нивните контроверзни биографии оставени на увид пред македонската публика, очигледно не им значи многу на медиумите кај нас кои ги сервираат нивните анализи. Најверојатно, при проценката помеѓу нивната релевантност и исполнувањето на нарачките од „центарот“, преовладува ликративноста.
Специјално за ЦивилМедиа. Сите права се задржани. Преземањето е дозволено само со писмена дозвола од Редакцијата.
