Државната изборна комисија (ДИК) денеска почна со дистрибуција и примопредавање на доверливиот избирачки материјал до општинските изборни комисии (ОИК) за вториот круг од локалните избори што ќе се одржи во недела.
Согласно изборниот роковник, ДИК го предава избирачкиот материјал до ОИК, најдоцна до 72 часа пред денот на изборите, а ОИК е должна еден ден пред денот определен за одржување на изборите, да го предаде избирачкиот материјал на избирачките одбори. Вториот круг од локалните избори ќе се одржи во 35 општини, , во недела, на 29 октомври.
Д. М.
