На Фeјсбук страницата „Налет да се сторите“ објавена е фотомонтажа на министерот за надворешни работи и кандидат за пратеник на СДСМ, Никола Димитров во која е спореден со мајмун.
На објавата има неколку коментари од кој еден гласи: „мајмунот е поличен“. Додека друг коментар е дека за „еден пар гаќи ја продаде државата“.
Оваа објава има неколку споделувања од кои и УМС Враништа, a лицето Зоран Мисовски при споделувањето на оваа фотомонтажа напишал: „Мајмунска работа, циганска работа“.
Димитров во изминатиот период е мета на говор на омраза и дискредитација. Пред неколку дена кандидатот за пратеник и носител на листа на СДСМ во ИЕ 1 Никола Димитров, на својот Фејсбук профил реагираше за упадот на портпаролот на ВМРО-ДПМНЕ, Наум Стоилковски на неговата прес-конференција.
– Безобразниот упад на портпаролот на Здружението на мојата прес-конференција веднаш го разбрав како обид за дефокус од клучните теми – правда и казнивост. Ако беа подготвени да измачкаат раце со крв и да нападнат институции само за да не одговараат, се разбира дека се подготвени да прават кловнови од себе. Но, ако убаво размислиме зад овој врвен примитивизам се кријат и многу други опасни пораки и за граѓаните и за земјата, напиша Димитров на Фејсбук.
Времето на еволуцијата и примитивизмот одамна заврши, сега сме во 21 век, и наместо да се навраќаме во минатото треба да гледаме кон иднината. Бараме од институциите да реагираат на секој обид за омаловажување и говор на омраза кон било кој граѓанин.
Мониторинг тим на ЦИВИЛ
