Во девет училишта во Скопје попладнево се упатени закани за поставена експлозивна направа, а досега е утврдено дека поголемиот број дојави се лажни, потврдуваат од Министерството за внатрешни работи, пренесува МИА.
Како што велат од МВР, веднаш по добиените пријави, од полициски службеници биле преземени мерки за безбедно евакуирање на објектите, во тек се антитерористички проверки и се преземаат мерки за расчистување на останатиот дел од случаите, за што дополнително ќе информираат.
