Me kërkesë për dorëheqje të kryetarit të komunës së Manastirit, Vlladimir Taleskit, dorëheqje për kryetarin e Maqedonisë, Gjorge Ivanov, dhe për lirimin e 13 të arrestuarve përgjatë kohës së protestave të djeshme në Shkup, më shumë se 3.000 manastiras u mblodhën në protestat e djeshme. Protesta spontane filloi para Shtëpisë së Oficerëve, vzhadoi nëpër Sokakun e Gjerë, që të përfundojë para ndërtesës së Komunës së Manastirit, që ishte nën mbrojtje të fortë policore.
Protestat në Manastir filluan mbrëmë pas paralajmërimit të Ivanovit se do t’i falë të gjithë politikanët kundër të cilëve po zhvillohet procedurë penale. Revoltë masive te manastirasit shkaktoi edhe konferenca e sotme për shtyp i Prokurorisë Publike Speciale, kur ishte rasti i ri i paralajmëruar “Transporter”, që ka të bëjë me transport të nxënësve të rregulluar nga kryetari i komunës Taleski, sipas PPS-së, ka qenë “më i shtrenjtë se transporti i Tokios”.
Siç informuan CIVIL Median pjesëtarët e ekipit vëzhgues nga Manastiri, qytetarët e qytetaret duke bërtitur “Nuk ka drejtësi, nuk ka paqe!”…, u përleshën edhe me policinë.
Edhe përkundër paralajmërimeve për kundërprotestë në Manastir, nuk ka ndodhur, sepse, në organizim të VMRO-DPMNE-së, manastiras që partia në nivel lokal i kishte planifikuar për kundërprotestë, me autobusë qenë transportuar në Shkup. Informacionet e fundit nga ekipi mobil janë se 17 autobusë sot kanë ikur për Shkup.
[youtube width=”600″ height=”344″]https://www.youtube.com/watch?v=539gGX0m6qE[/youtube]
