Премиерот на Албанија, Еди Рама повторно се „сопна“ од медиумските работници, односно со новинарка од медиум кој се смета критички настроен кон сè што прави шефот на албанската влада. Имено, додека даваше изјава за медиумите, новинарката на Syri.net го праша за инвестицијата на островот Сазан од страна на зетот на поранешниот претседател Доналд Трамп. Додека Рама одговараше на прашањата новинарката, се доближи до него, а тој на „својствен стил“ се обиде да ја допре по образот. Новинарката, според видеото што кружи на социјалните мрежи, бурно реагираше.
Според албанските медиуми, станува збор за новинарката Амброзија Мета со која Рама, „обидувајќи се да ја оттргне“, таа остро му одговорила „ве молам, не ме допирајте.“
На прашањето на новинарката дали договорот за островот Сазан ќе биде ист како тој на пристаништето Драч, каде се подаруваат земјиште и простуваат даноци, Рама одговорил: „Римјаните имаат израз: обвинението не е аргумент.“
Истата новинарка го налути Рама и на крајот од прес-конференцијата со еврокомесарот за соседска политика и проширување, Оливер Вархеји, на 29 февруари, кога Тирана беше домаќин на Самитот за Украина, како и самитот Западен Балкан – ЕУ. Таа тогаш го праша Рама „во кое својство на двата самита, присуствувал и Александар Сорос и дали мора да биде присутен не само на самитот, туку и на фамилијарната фотографија.“
🚨 Inexcusable behaviour from #Albania PM @ediramaal towards a female journalist. This incident highlights the ongoing challenges female journalists face in their pursuit of truth, emphasising the urgent need for leaders to respect the media and uphold journalistic integrity. https://t.co/qHsPniRNze
— European Centre for Press and Media Freedom (@ECPMF) March 19, 2024
Се бара извинување од албанскиот премиер Рама
Европските организации за правата на новинарите реагираа по гестот на премиерот на Албанија, Еди Рама, кон новинарката Амброзија Мета. Европскиот центар за слобода на печатот и медиумите го нарекол неговото однесување „неоправдано“.
„Овој инцидент ги истакнува тековните предизвици со кои се соочуваат новинарките во потрагата по вистината, нагласувајќи ја итната потреба лидерите да ги почитуваат медиумите и да го задржат новинарскиот интегритет,“ се вели во реакцијата на овој центар на платформата „Х“.
#Albania: Women Press Freedom denounces PM Edi Rama’s aggression towards #AmbroziaMeta. It is unacceptable to push a reporter. Not the first time the leader has shown contempt toward critical press. We stand with Meta & demand Rama apologizes & treats journalists with respect. pic.twitter.com/nvYqI6BByD
— #WomenInJournalism (@CFWIJ) March 19, 2024
Рама нема намера да се извини
Премиерот на Албанија, Еди Рама се огласи по видеото на кое навидум се гледа како се обидува со рака да ја допира по лицето. Како што истакна, нема причина зошто би морал да се извини.
„Извинување? Извинување по гнасните лаги додека сè се гледа на снимката, а и десетина новинари и камермани се сведоци на единствената вистина дека не само што немаше агресија, туку на прашањето е одговорено трпеливо, иако имаше неетички прекинувања,“ истакна Рама на X.
Apologies?!
Apologies following a completely abhorring lie while everything is in video and a dozen of journalists, and cameramans as well are eyewitnesses of the simple truth that not only there was anything near to an agression, but all questions were answered patiently… pic.twitter.com/iqH3xE7SMl
— Edi Rama (@ediramaal) March 19, 2024
Сепак, тој сега тврди дека секогаш е подготвен да одговори на сите прашања.
„Понекогаш и на неетички новинари им ја покажувам целосната подготвеност да одговорам на сите прашања, иако другата категорија е навикната да се меша додека зборувам,“ рече тој.
Еди Рама посочи дека медиумите треба да се грижат за „заштита на вредностите на слободата, демократијата и новинарскиот интегритет, не само кога се загрозени од моќниците, туку и кога тие вредности се поткопани од членовите на новинарската заедница.“
ЦМ деск