Стратешкиот концепт на НАТО ја поставува севкупната стратегија на Алијансата, тој појаснува кои се нашите основни вредности, но и нашите принципи и нашите задачи, го објаснува стратегискиот концепт на НАТО Бенедета Берти, раководителка за планирање политика во Канцеларијата на генералниот секретар на НАТО.
„НАТО е сојуз од 30 нации кој заштитува една милијарда граѓани. За да ги води своите дејствија и да ја поттикне својата политичка и воена адаптација, на НАТО му треба стратегија што ќе ја процени безбедносната средина, ќе објасни кои се главните задачи и приоритети на Алијансата и ќе изложи како ќе ги оствариме. Затоа го имаме Стратешкиот концепт“, објаснува Берти.
Таа истакнува дека некои елементи од Стратешкиот концепт од 2010 година, како централната улога на трансатлантската врска за нашата заедничка безбедност или важноста на одржувањето на нашите заеднички вредности, сè уште се релевантни. Но, исто така, ја покажува својата старост, особено по големите промени во безбедносната средина што се случија од 2010 година.
Размислете за нелегалната и нелегитимна анексија на Крим и инвазијата на источна Украина во 2014 година од страна на Русија, подемот на ДАЕШ на Блискиот Исток, зголемениот пораст на стратешката конкуренција. И во 2022 година, неиспровоцираната брутална агресивна војна на Русија против Украина.
Затоа сојузниците одлучија да имаат нов стратешки концепт. Тие побараа од генералниот секретар да го води процесот за развој на Стратешкиот концепт за 2022 година, вели Берти.
Таа објаснува дека стратешките концепти се усвоени на Самитот на НАТО од страна на лидерите на НАТО.
Секој стратешки концепт нуди единствена можност за сојузниците да се здружат за да ја поттикнат нивната кохезија, нивното единство и нивното заедничко разбирање за заканите, предизвиците и можностите кои претстојат и како најдобро да се решат заедно, како сојузници.
Стратегијата е за тоа како ги усогласуваме целите, начините и средствата. А во покомплексен и поспорен свет, обликувањето на нов стратешки концепт навистина ни дава поголема јасност, ни дава поголема кохезија и секако нè подготвува да се справиме со предизвиците на денешницата и утрешниот ден“, нагласува Берти.
Подготви: Д.Мишев
