Се зголемува меѓународниот притисок врз Тајланд – вклучително и од новата американска администрација – во врска со судбината на десетици мажи Ујгур кои се држат во притвор повеќе од една деценија, по извештаите дека тајландската влада планирала да ја депортира групата во Кина.
Експертите на Обединетите нации во вторникот го повикаа Тајланд „веднаш да го запре можниот трансфер“, предупредувајќи дека мажите се изложени на „реален ризик од тортура или друго сурово, нечовечко или понижувачко постапување или казнување доколку бидат вратени“, објави Си-ен-ен, пренесува ЦИВИЛ Медиа.
Загриженоста за 48-те мажи, кои се притворени во Бангкок од 2014 година, расте откако ујгурски активист сподели гласовна белешка од еден од уапсените, кој рече дека мажите штрајкуваат со глад од 10 јануари во очајнички протест против депортацијата.
Подготви: Д. Мишев
