Европските власти денеска го обвинија рускиот претседател Владимир Путин за смртта на рускиот опозициски лидер Алексеј Навални.
Претседателката на Европската комисија, Урсула фон дер Лајен, на „Х“ изјави дека е длабоко вознемирена и тажна од веста за смртта на Навални и оцени дека Путин не се плаши ништо повеќе од „несогласување од сопствениот народ“.
Deeply disturbed and saddened by news of the death of Alexei Navalny.
Putin fears nothing more than dissent from his own people.
A grim reminder of what Putin and his regime are all about.
Let’s unite in our fight to safeguard the freedom and safety of those who dare to… pic.twitter.com/YoIbS7XbdX
— Ursula von der Leyen (@vonderleyen) February 16, 2024
-Мрачно потсетување за тоа што се Путин и неговиот режим, рече Фон дер Лејен на социјалната мрежа „Х“ и повика на единство во борбата за заштита на слободата и безбедноста на оние кои се осмелуваат да застанат, како што напиша таа, „против автократијата“.
Шефот на европската дипломатија, Жозеп Борел, изјави дека е шокиран од веста за смртта на Навални, кого го нарече „храбар човек кој го посветил својот живот за да ја спаси честа на Русија, давајќи им надеж на демократите и граѓанското општество“.
-Додека чекаме дополнителни информации, да бидеме јасни: ова е единствена одговорност на Путин, изјави Борел на социјалната мрежа „Х“.
