Француски товарен брод, во петокот помина низ Ормускиот теснец, во услови на зголемени воени дејствија и ограничен сообраќај во еден од најважните енергетски коридори во светот. Станува збор за прв ваков премин на француски брод откако Иран практично го ограничи поморскиот сообраќај во теснецот по последните воени ескалации поврзани со САД и Израел.
Станува збор за прв ваков премин на француски брод откако Иран практично го ограничи поморскиот сообраќај во теснецот по последните воени ескалации поврзани со САД и Израел.
Според податоци од системите за следење на бродови, бродот при преминот испратил јасен сигнал за својата национална припадност, наведувајќи „Owner France“, што се толкува како обид за избегнување на можни инциденти во зоната под засилена контрола.
Покрај францускиот брод, низ теснецот поминале и други пловила, вклучително и јапонски танкер, што укажува на можен постепен, селективен обид за нормализација на сообраќајот.
Ормускиот теснец, низ кој поминува околу една петтина од глобалната трговија со нафта, останува критична точка.
Иако нема официјална потврда за договор или координација, преминот на францускиот брод се толкува како можен сигнал за диференциран пристап на Иран кон западните земји, особено во контекст на француската дипломатска позиција која не е директно вклучена во воените операции.
Засега останува нејасно дали станува збор за изолиран случај или за почеток на поширок тренд на контролирано отворање на поморските рути во регионот, како резултат на директната дипломатските контакти меѓу Франција и други европски држави со Иран.
Д. Мишев
