Францускиот милијардер и бизнисмен Винсент Болоре е обвинет за корупција кон странско официјално лице и измама.
Болоре е осомничен дека добил концесии за пристаништа во Того и Гвинеја, во замена за политички советодавни услуги за локалните власти по вештачки снижени цени.
И против генералниот директор на Болоре Груп, Жил Аликс се покренати истите обвиненија.
Винсент Болоре има бизниси во различни сектори, како што се транспорт, медиуми и нафта.
Според магазинот „Форбс“, 66-годишниот Болоре е деветтиот најбогат човек во Франција, чие богатство е проценето на седум милијарди долари.
Извор: МИА
