„6 часа работа, 6 часа култура, 6 часа активизам, 6 часа одмор“ е застапувачки предзнак на шестото издание на фестивалот за феминистичка култура и акција ПРВО ПА ЖЕНСКО, кој ќе започне утре, на 3 мај и ќе трае до 6 мај, во Младинскиот Културен Центар во Скопје. На фестивалот ќе се дискутира за женската солидарност и социјалното претприемништво, работничките права на сексуалните работнички и на текстилните работнички. Своето учество во дискусијата Мила Царовска, министерка за труд и социјална политика, Јасминка Ангелова од Министерство за внатрешни работи, Кристина Ампева (Гласен текстилец), Драгана Каровска Чемерска (ХЕРА), Јелена Вишњиќ (БеФем – Белград) и Наташа Бошкова (Коалиција Маргини).
Покрај дискусиите, на фестивалот ќе има и изложби, поетско слем читање, работилници, музички настапи и филмски проекции.
Фестивалот ПРВО ПА ЖЕНСКО, оваа година е поддржан од Министерство за култура, FRIDA – The Young Feminist Fund и Град Скопје.
А.П.
