Мировниот корпус на САД во Македонија и Министерството за локална самоуправа денеска го организираат првиот годишен форум на градоначалници по повод отворањето на повикот за аплицирање за волонтер во 2018 година.
Во Сити хол најавено е дека ќе присуствуваат градоначалници и претставници на општини, американскиот амбасадор Џес Бејли, министерот за локална самоуправа Сухејл Фазлиу, директорот на Мировниот корпус Марк Ханафин и вработени и волонтери на Мировниот корпус.
На Министерството за локална самоуправа ќе му биде доделена специјална награда во знак на успешна соработка со Мировниот корпус.
Сите заинтересирани основни и средни јавни училишта, општини и невладини и граѓански организации се охрабруваат да аплицираат за волонтер на Мировниот корпус. Следната група на волонтери ќе пристигне во септември 2018 година и ќе вклучува наставници по англиски јазик, дефектолози и специјалисти за развој на заедницата. Крајниот рок за пријавување е 27 април.
Повеќе од 20 години волонтерите на Мировниот корпус предаваат заедно со наставниците, работат со локалните невладини организации и членови на заедницата и соработуваат со општините и другите јавни институции. Волонтерите делат широк спектар на знаења и вештини за менаџмент, консултантски услуги, информатичка технологија, управување со отпад…
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.