По веста дека за прв пат во државава ќе се организира Парада на гордоста, која ќе се одржи на 29 јуни во Скопје, веднаш на социјалните мрежи се рашири говор на омраза и повици на насилство.
Македонија е последна земја од регионот во која за прв пат ќе се одржи Парада на гордоста. За тоа зошто е последна земја што ќе го направи тоа, покажуваат и коментарите кои ги пишуваат граѓаните на социјалните мрежи за Парадата.
Медиумите исто така треба да внимаваат како известуваат за такви теми за кои знаат дека можат да предизвикаат говор на омраза и насилство. На Фејсбук страницата на порталот Инфомакс, на објавата за Парадата, можат да се видат стотици коментари со погрдни зборови, дури некои од нив повикуваат на насилство кон ЛГБТИ+ заедницата.
Па така, еден граѓанин кој на Фејсбук е потпишан Сашо Грнчаревски, напишал: „Каква иднина очекуваме од овие болни манијаци, ова е крај на наталитетот, изумира каква било и да е нација. Само Хитлер за сапун да се стопат!“.
Потоа, може да се видат коментари каде што го поставуваат прашањето на што може да биде ЛГБТИ+ заедницата горда, дека единствена гордост може да биде Парадата на победата во Русија и ред други коментари.
Граѓанка која е потпишана на Фејсбук, Надица Цоки Прескакулева, напишала: „Да фати едно невреме па едно 2.3 грома, па сите да ги направите горди и нив и за вас кои пишувате за овие, заслужни ли се за тоа… овие се позаникаде од секое ментално разболување, за овие нема лек а и сите нивни блиски особи што сигурно се уништени од нивната ваква глупава гордост и болест“.
Сакаме да потсетиме, дека секој коментар со говор на омраза и повик за насилство, може да придонесе страв и депресија кај одредена група на граѓани, кои како реакцијата на тоа, можат да си наштетат себеси. Да повториме, хомосексуалноста не е болест, никакви коментари за повик на насилство како „нивни лек“ треба да биде пријавен во полиција и за оној кој го кажал тоа, треба да се преземат санкции.
Граѓанин потпишан на Фејсбук, Мујтин Хусеиновски, во коментар напишал: „Која гордост бе расипани. Ах, една бомба таму и цела педерана на гробишта, ц ц ц војската назад задолжително да биде за да има мажи“.
„Само со пушка и повеќе куршуми, еден жив да не остане…“, напишал граѓанин потпишан на Фејсбук, Емер МамутОглу.
Коментарите се редат еден по друг, по ред, граѓаните немаат никаква солидарност за оние кои можеби малку се поразлични од нив.
ЦИВИЛ – Центар за слобода го осудува говорот на омраза кон ЛГБТИ+ заедницата и првата Парада на гордоста. Овие коментари не треба да се земат како пример, ширењето на омраза и повикот на насилство треба да бидат најстрого казнети!
А. П.