ЦивилМедиа вчера на својата Фејзбук страница го постави ПРАШАЊЕТО НА ДЕНОТ: Дали државата е подготвена да се справи со евентуални поплави? давајќи им можност на читателките и читателите да се изјаснат на оваа тема.
Деновиве гледаме дека циклонот „Борис“ кој со себе носи обилни дождови и силни ветришта, предизвика големи поплави во делови од Централна и Источна Европа, особено во Чешка, Полска и Австрија. Илјадници се евакуирани, а расте и бројот на жртви. На фотографиите и видеате кои кружат на социјалните мрежи можат да се видат поплавени куќи, цели населби, а ни малку пријатни не се сцените од браните низ кои се прелева вода. Сето ова го разбуди стравот од доаѓање на циклонот и кај нас. Од УХМР најавуваат дека веќе од среда врнежите ќе бидат пообилни, повремено и поројни.
Во пораките и коментарите кои ги упатија нашите читатели преовладуваат негативните одговори, во кои владата се прогласува за неспособна, некои прават паралела помеѓу борбата со пожарите, како и со поплавата во Стајковци која одзеде човечки животи.
Како за Стајковци што беше спремна и одговорна, за која држава луѓе мои.Во стајковци од ПОЛА ЧАС дожд, загинаа 25 граѓани. А од вакви дождови среќен ќе биде КОЈ преживее.Не е и нема да може зашто имаме власт да се богати и да бега народот нека се снаоѓаТотално неспособна влада и нефункционална држава.Со еден збор голема вукојебина
Да не се случат поплави, Бог да не чува а државата да ги чисти коритата и да прави брани. Преставниците на владата нека ја совладаат алчноста и бездушноста.Очекувам Владата венаш да спроведе бесплатни курсеви за пливање во кучешки стил. Мува не ги лази, бе Фронтлајн! Си ги шетаат задниците по Софија и нѐ брукаат каде ќе стигнат.НЕ Е.ВИДОВМЕ ПОПЛАВИ СО МНОГУ ЖРТВИ.ШТО СЕ ПРОМЕНИЛО?!
Еден читател категорички одговори со НЕ:
Не. Со оглед дека од ’91 не се почитува сеизмика во градењето, каналите не се чистат, нема атмосверска канализација на повеќето улици, ќе го снема Скопје, зошто од Водно се ќе се “спушти” долу. Од дожд се уриваат ѕидови сега, а не поплава. По големи поплави одат и јаки потреси. ’62 била поплавата. Иако постарите кажуваат дека и претходно Вардар се излеал па менувано е коритото. Ние не сме за ништо спремни. Само за крадење и “тресење” глупости.
Некои читатели му сугерираат на премиерот што треба да направи:
Што би рекол Мицко „еве нека кажат граѓаните како да се справиме, ако имаат идеја слободно нека кажат“Од ЗАЕМОТ парите нека направат нови одводи ДА НЕМА ПОПЛАВИ и да купат хелихоптери и нови пожарни за гасење
Имашe и такви кои дадоа “духовити одговори, споредувајќи го директорот на ЦУК стојанче Ангелов со Чак Норис.
Додека го имаме Стојанче немаме гајле. Тој е нашиот Чак НорисШо прашање е ова? Па Стојанче му е прв братучед на Чак Норис!За ништо да не се секирате, генералот Стојанче е тука…
М. Д.
