Вицепремиер и министер за политички систем и односи меѓу заедниците, Артан Груби денес се сретна со шефот на мисијата на ОБСЕ во Скопје, амбасадорот Клеменс Која.
На оваа средба заеднички е констатирано дека е потребна посветеност од страна на сите политички субјекти во земјава, за ефикасно решавање на прашањата од полза на граѓаните.
Во оваа пригода, првиот вицепремиер Груби го информираше амбасадорот Која дека Република Северна Македонија продолжува да води сеопфатна политика со цел да се постигне разбирање меѓу етничките заедници во земјата, но исто така и меѓу владата и опозицијата во врска со клучните прашања.
На оваа средба, двајцата соговорници разговараа и за одбележувањето на 20-годишнината од Охридскиот Рамковен Договор и за достигнувањата и предизвиците кои произлегуваат од овој историски договор.
Груби, исто така, кажа дека Владата е фокусирана кон функционални добрососедските односи, во европски дух, не само поради нашите аспирации во евроинтеграциите, туку и како одговорна држава којашто сака да придонесува во регионалниот и светскиот мир, посебно како нова членка на НАТО.
Груби, изрази благодарност до ОБСЕ за поддршката во демократските процеси на земјата и оцени дека е чест за Република Северна Македонија да претседава со ОБСЕ во 2023 година за прв пат од 1995 година кога земјата стана членка на ОБСЕ.
На оваа средба е посветено внимание и на прашања од областа на изборното законодавство, при што Груби му кажа на амбасадорот Која дека фокусот е ставен на препораките на ОБСЕ за унапредувања во оваа област.
