Повлекувањето на руските војници од Змиски остров ќе го намали притисокот врз украинскиот брег со отстранување на руските системи за воздушна одбрана и противбродски ракетни системи од островот, но нема да стави крај на морската блокада, соопшти Американскиот Институт за проучување на војната (ISW) во својата најнова проценка на руската офанзивна кампања, пренесува Укринформ.
Според аналитичарите, самото повлекување нема да стави крај на морската блокада, бидејќи руските сили имаат пристап до копнените противбродски системи во Крим и западниот регион Керсон, кои сè уште можат да го таргетираат украинскиот товар, како и употребата на преостанатиот бродови на Црноморската флота.
Тие, исто така, истакнаа дека руските милблогери со големо мнозинство ја бранеле руската одлука за повлекување на војниците и опремата од островот, тврдејќи дека руските сили имаат приоритет на „ослободувањето на Донбас“.
Оперативната команда Југ официјално објави на 30 јуни дека по успешната фаза на украинската воена операција, руските сили набрзина ги евакуираа остатоците од нивниот гарнизон од Змиски остров.
Подоцна, украинската влада објасни дека итно повлекување на руските сили од островот треба да се смета за значаен успех на украинските вооружени сили, бидејќи Русија се обиде да распореди системи за противвоздушна одбрана и друго оружје на островот во обид да го контролира целиот северозападен дел од Црното Море.
Операцијата на украинските вооружени сили на Змискиот остров не е завршена, бидејќи украинското знаме допрва треба да биде подигнато на островот.
Подготви: Д.Мишев
