Во време кога целата држава тагува за изгубениот млад живот на Вања и убиството на Панче, а институциите брзо го решаваат случајот и ги апсат виновниците, опозициската Левица се обидува да добие ситни политички поени од целата трагедијата.
Преку една од нивните лажни страници на социјалните мрежи тие се обидуваат да организираат протест за смртта на Вања, во обид да го политизираат настанот и да ќарат евтини политички поени. Една од ваквите страници на Левица, која е со сосема друго име, но редовно ги споделува партиските соопштенија и настапи, повикува на протест во сабота, обидувајќи се да ја искористи емотивната ситуација за политички цели.
Ваквиот обид за политизација на целиот настан сепак не наиде на поддршка кај граѓаните кои се погласно на социјалните мрежи реагираат на невкусноста на овој политикантски обид. Водителката Миа Костова на социјалните мрежи запраша за што се протестира, па и пред зградата на девојчето додека семејството е уште во шок.
„Јас се извинувам, за што се протестира? Па уште пред зградата на девојчето, семејството уште во шок, Вања во судска медицина, вие ќе шетате со нејзини слики? Сериозно? Па сликата со која повикувате, со некој језив фотошоп што ја шерувате…натакната глава од девојчето на енкој бел фустан…Мозок ви недостига, тоа ве прави морбидни“ напиша Костова.
Изминатите денови по акцијата на МВР во соработка со Јавното обвинителство, во притвор се четири лица за убиството на малата Вања, а тројца од нив го признаа делото. Во ситуација кога службите го расчистуваат случајот и ја откриваат ситуацијата, разбирлив е гневот на граѓаните од ваквите обиди за политизација на случајот.
Граѓаните слично реагираа и на обидите на опозициската ВМРО-ДПМНЕ за политиканство и евтини политички поени. На вестите под прес-конференцијата на пратеникот Игор Јанушев кој изнесуваше шпекулации и дезинформации остро реагираа дека не е време за политиканство и ги обвинија дека се грозни што се обидуваат да добиваат политички поени во време на ваква трагедија.
