Историски успех на „Медена земја“ и извонредната екипа: Тамара Котевска, Љубомир Стефанов, Самир Љума, Фејми Даут и несекојдневната Атиџе.
После 25 години повторно еден македонски филм влезе во номинациите за Оскар, но овој пат тоа ни успеа во две категории. Македонскиот филм „Медена земја“ во режија на Тамара Котевска и Љубомир Стефанов, успеа да влезе во номинираните пет филмови кои ќе се натпреваруваат за престижната награда Оскар во категориите: „Најдобар документарен филм“ и „Најдобар интернацинален долгометражен филм“.
„Медена земја“ беше во потесниот список за избор во две категории и за двете успеа да добие номинации.: „Најдобар документарен филм“ и „Најдобар интернацинален долгометражен филм“.
Во номинациите за доделување на престижните филмски награди Оскар кои оваа година се 92-ри по ред, номинации добија 5 филмови од потесниот список во одделните категории:
Церемонија на Деведесет и второто доделувањето на Оскарите ќе се одржи на 9 февруари во Холивуд во театарот Долби. И оваа година на церемонијата на доделувањето на Оскарите нема да има водител.
Од Еј-Би-Си, известуваат дека добрата забава, комедијата и ѕвездите и оваа година ќе бидат главниот адут, во програмата која трае неколку часови. Во повеќе од 225 земји од светот ќе има директен пренос од церемонијата на доделаувањето на Оскарите.
„Медена земја“ има добиено повеќе од 15 награди. Оваа недела ја доби наградата за најдобар документарец која ја доделува американското здружение на критичари, Друштвото на филмски критичари во Њујорк. Тамара Котевска и Љубомир Стефанов, пак, од Друштвото на режисери во Америка се номинирани за најдобра режија.
Пред неколку денови „Медена земја“ ја освои наградата за најдобар документарец на Националното друштво на филмски критичари и на Друштвото на филмски критичари во Њујорк, а Самир Љума и Фејми Даут ја добија наградата Филмско око за исклучителни достигнувања во кинематографијата.
Јане Ѓорѓиоски/ frontline.mk
