Централниот регистар го запре бесплатниот пристап за новинарите до нивните податоци кои се од јавен карактер. Во категоријата професионални корисници исклучени е поткатегоријата „новинари“.
Од Владата, како што пишува РСЕ, одгоовриле дека таа одлука мора да се внесе во закон, па потоа пак ќе биде достапна услугата за новинарите. Од Централен регистар известиле дека не знаат за кој временски период, но дека законските измени се одготвени и во тек се меѓуинституционални усогласувања. Законските измени се предвидени да поминат по скратена постапка.
Од СДСМ денеска реагиаат дека ова е диретен напад врз слободата на медиумите и чекор кон намалување на транспарентноста на државата.
„Оваа одлука е обид да се забави работата на новинарите и да се спречи нивната брза и ефикасна истрага за теми од јавен интерес. Со ова, Владата не само што ги гуши медиумите, туку и го загрозува правото на граѓаните да бидат информирани за случувањата во земјата. Актуелното раководство на Централниот регистар одлучи дека оваа одлука на претходната влада „не е во согласност со законот“, според кој бесплатен пристап имаат само корисниците на средства од Буџетот на Република Северна Македонија, но не и новинарите. Ова е неприфатливо и претставува брутален обид за замолчување на медиумите и ограничување на нивната улога во контролата врз власта3, соопштија од СДСМ.
