За време на партискиот собир на Самоопределување во јужниот дел на Косовска Митровица, едно лице го навреди и се обиде физички да се пресмета со лидерот Албин Курти, но било спречено од обезбедувањето, наведува приштински „Клан Косова“.
Реагирал и градоначалникот на Јужна Митровица, Агим Бахтири, кој се обидел физички да се пресмета со граѓанинот, користејќи пцовки.
https://www.youtube.com/watch?v=XRNunzGT8-M&feature=emb_title
Заминувањето на Вјоса Османи и Албин Курти на северот на Косово предизвика бројни проблеми и несогласувања. Претходно, претставниците на Демократската партија на Косово (ДПК) реагираа со изјава во која сметаат дека лидерот на движењето Самоопределување, Албин Курти и в.д. претседателката на Косово, Вјоса Османи го нарушиле уставниот поредок на Косово со одење во Северна Митровица, со цел да соберат ефтини политички поени.
– Повеќе од една деценија, Албин Курти зборуваше дека „ќе оди во Митровица“, воден од омраза да докаже дека државата Косово е неспособна и пропаднала. Тој се обидува да профитира политички на штета на институциите, а денес ја посрамоти државата и сериозно влијаеше на достигнувањата во тој дел на Косово – се наведува во соопштението на ДПК, кое го пренесе приштински „Газета експрес“.
