Израел бара ослободување на сите 50 заложници држени во Газа, изјави израелски функционер, фрлајќи сомнеж врз тоа дали ќе прифати нов предлог за 60-дневен прекин на огнот на кој Хамас се согласи во понеделник, пренесува Би-би-си.
Предлогот, поднесен од Катар и Египет, би овозможил ослободување на околу половина од заложниците и е „скоро идентичен“ со американскиот предлог што Израел претходно го прифати, според Катар.
Израел не го отфрли експлицитно – но портпаролот на израелската влада, Дејвид Менсер, изјави за Би-Би-Си дека не е заинтересиран за „делумни договори“.
„Работите сега се променија. Премиерот изнесе план за иднината на Газа“, рече Менсер.
Палестински извори рекоа дека предлогот би предвидувал предавање на 10 живи и 18 мртви заложници додека страните преговараат за траен прекин на огнот и враќање на другите заложници.
Израел верува дека само 20 од 50-те заложници се уште се живи по 22 месеци војна.
Подоцна оваа недела, се очекува израелскиот кабинет да го одобри планот на војската за окупирање на градот Газа, каде што интензивираните израелски напади веќе предизвикаа илјадници луѓе да избегаат.
Д. Мишев
