„Премиерите на Република Северна Македонија и Бугарија денес во Софија изјавија дека заедничката цел е да се создаде добра атмосфера за дијалог и пријателство и да се најдат прифатливи решенија за двете страни. По средбата двајцата премиери најавија дека заеднички ќе го гледаат фудбалскиот натпревар помеѓу Македонија и Украина, Јанев рече дека ќе навива за нас, се надеваме не само на натпревари“, известува Александар Николиќ Писарев од Софија, специјално за ЦИВИЛ МЕДИА.
ЦИВИЛ организираше јавен настан на тема „Колку сме еднакви?“ посветен на политиките и практиките за еднаквост, недискриминација и промовирањето на европските вредности во единиците на локалната самоуправа. Гостин на оваа тема беше градоначалникот на општина Гостивар, д-р Арбен Таравари.
Со д-р Таравари разговаравме за капацитетите, можностите, политиките и практиките на локално ниво во промовирањето на европските вредности, а во тие рамки и еднаквоста и недискриминацијата на локално ниво.
Со нашиот соговорник ги отворивме и актуелните прашања поврзани со локалните избори, тековните изборни реформи и очекувања, како и предизвиците што би можеле да произлезат од изборниот процес.
ИЗЈАВА НА ДЕНОТ
Заев: Во добар амбиент и меѓусебна доверба лесно се решаваат дури и големите прашања
„Имаме постигнато договор за пет историски личности и за три историски периоди. Впрочем, заедно ги славиме. Нашите двајца претседатели беа во Ватикан и се поклонија пред Свети Кирил и Методиј и заедно го славиме тоа, како што е и Свети Климент и Наум, како што е и Цар Самоил. Таквите успеси треба да не мотивираат да одиме и понатаму затоа што низ овие експертски комисии тие работат на основа на факти и работат на основа на сознанија“, рече Заев одговарајќи на новинарско прашање на прес-конференцијата по средбата со бугарскиот премиер Стефан Јанев во Софија.
ФЛЕШ ВЕСТИ
НАТО Со успешното завршување на Главната планирачка конференција за 19-тата НАТО вежба „Република Северна Македонија 2021“, Македонија на есен ќе ја има таа чест да биде домаќин на вежбата, а Центарот за управување со кризи (ЦУК) организатор во партнерство со Евроатланскиот координативен центар за одговор на катастрофи (ЕАДРЦЦ). На Конференцијата при штабните и теренските активности активно учествуваа во работа за планирање на вежбата околу 140 претставници од 17 држави и од три меѓународни организации.
ОДБРАНА Поставени се темелите за интензивирање на одбранбената соработка помеѓу двете земји – сојузнички во НАТО, Северна Македонија и Словачка, со што ќе се развијат и националните, но и капацитетите на Алијансата за колективна одбрана. Полноправното членство на Северна Македонија во Алијансата ја зацврсти регионалната безбедност, а сега е потребно да се направи и долгоочекуваниот и заслужен исчекор во европската интеграција на земјите од Западниот Балкан е заклучокот од денешната средба во Братислава, министерката за одбрана Радмила Шекеринска и нејзиниот словачки колега, Јарослав Над.
СОЦИЈАЛДЕМОКРАТИ Премиерот и лидерот на СДСМ, Зоран Заев го посети седиштето на Бугарска социјалистичка партија во Софија.
ЕКОНОМИЈА Човечкиот капитал е во директна корелација со економскиот раст, односно преку раст на знаењата и вештините на граѓаните може да се делува кон забрзување на растот. Оттаму, еден од приоритетите во плановите и проекциите за заздравување и забрзан раст се инвестициите во човечкиот капитал, посочи министерот за финансии Фатмир Бесими на вебинарот организиран од Економскиот факултет на тема „Предизвици за високото образование од областа на економијата во периодот на пост-Ковид-19“.
АНАЛИЗА Пандемијата само ги интензивираше и ги исфрли на површина проблемите со кои секојдневно се соочуваат лицата со попреченост, нивните родители и лицата што се грижат за нив а дека државата сѐ уште заостанува во исполнување на обврските од Конвенцијата за правата на лицата со попреченост, е заклучокот од денешната презентација на анализата посветена на ефектите, кои пандемијата ги имаше врз лицата со попреченост во земјата спроведена од Хелсиншкиот комитет за човекови права на Република Македонија со поддршка на Фондацијата за демократија на Вестминстер.
ЛАЖНИ ВЕСТИ И ГОВОР НА ОМРАЗА
Инфодемија и говор на омраза: „Циг****е повеќе не смеат да влегуваат во ЕУ“
На социјалните мрежи се шири лажна вест со експлицитен говор на омраза кон ромската етничка заедница. Најверојатно се работи за фотомонтажа, каде што е злоупотребено логото на ТВ СИТЕЛ, пришто е објавена лажна вест со наслов: „Нови правила на Kорона: Циганите повеќе не смеат да влегуваат во Европската унија“.
Инфодемија и говор на омраза: „Циг****е повеќе не смеат да влегуваат во ЕУ“
Б: Јордановска
