Поранешната новинарка Оливера Јовановска, која живее и работи во Италија, за ЦИВИЛ Медиа вели дека здравствените услуги треба да бидат достапни за сите без разлика на етничката припадност или социјалниот статус.
„Соработувам со Светска здравствена организација во Венеција која е посветена на развој и инвестиции во здравството. Конкретно работам на комуникации на тема што третира еднаквост на здравството, односно „здравје за сите“, и тука нема разлика, јас сум човек и толку, без разлика дали сум Италијанец, Македонец, Албанец, странец, миграни има многу што доаѓаат во Европа и во Италија, така што ние не треба воопшто да размислуваме кога пристапуваме на одреден човек, треба да размислуваме само кои се неговите протреби од аспект на здравство.
Ние во Македонија имаме „едно општество за сите“ и тоа не прави разлики на етничките групи, според мене, денеска нема поделба меѓу етничките групи, сега поделбите се кој се вакцинирал, а кој не се вакцинирал.
Здравствените услуги треба да бидат достапни за сите, да стигнат до оние граѓани кои се инвалиди, да стигнат до најранливите каатегории на грашани како што се Ромите и други. Здравствените услуги треба да бидат достапни и за тие што добиваат државна помош за тие што се богати“, вели Јовановска.
камера и монтажа: Ариан Мехмети
Оваа содржина е дел од иницијативите и проектите на ЦИВИЛ за промоција на мултикултурализмот и европските вредности, со поддршка од Министерството за надворешни работи и европски прашања на Големото Војводство Луксембург. Ставовите и мислењата изнесени во овие содржини се на самите Автор(к)и и не нужно ги отсликуваат официјалните ставови на донаторите.
