Кампањата #GunFreeValentine е иницијатива на Gun Free South Africa (GFSA) членката на IANSA, чија цел е да ги предупреди жените на ризиците од чување оружје во домот, насилствата од страна на партнерите, но и начинот на кој законите можат да спасат животи. Кампањата започнува денеска, на Денот на вљубените (14 февруари) и завршува на Меѓународниот ден на жената, на 8 март.
Како долгогодишна членка на Меѓународната акциона мрежа за мало оружје (International Action Network on Small Arms – IANSA), ЦИВИЛ – Центар за слобода ја поддржува оваа кампања и ги повикува сите заинтересирани организации и поедници ја споделат и поддржат исто така.
Како да се вклучите во кампањата?
Споделете ја оваа фотографија на социјалните мрежи со хаштаг #GunFreeValentine #LoveLivesHereGunsDont #DisarmDomesticViolence.
Споделете фотографија од вас и вашиот партнер со хаштагот #GunFreeValentine #LoveLivesHereGunsDont.
Помогнете во едукацијата на членовите во вашата заедница за зголемените ризици од присуство на оружје во домот и да бидете дел од отфрлањето на митот дека пиштолот во домот ги прави семејствата побезбедни.
Контактирајте со законодавците во вашата матична земја и поттикнете ги да ги донесат законите за отстранување на оружје од сторителите на семејно насилство.
Во голем број земји, поседувањето на оружје во домот се смета за знак на љубов, кога еден човек купува пиштол за да го заштити своето семејство и својот дом. Мислењето дека оружјето во домот ги прави семејствата побезбедни е само мит. Советот за медицински истражувања (МРЦ) во Јужна Африка откри дека легално поседуваното оружје се користи во 75% од случаите во кои има насилство и убиство врз жени, а во 60% од овие случаи пукањето се случува во сопствениот дом.
Според студиите во САД, присуството на оружје во домот е поврзано со три пати зголемен ризик за убиство во домот во споредба со домовите каде нема оружје. Ризикот поврзан со сопственоста на оружје се зголемува до 8 пати, кога сторителот е интимен партнер или роднина на жртвата и е 20 пати повисок кога постои претходно семејно насилство.
Додека некои земји имаат лоша евиденција за легислативата во врска со семејното насилство и поседувањето огнено оружје, други ги преземаат вистинските чекори.
Во Јужна Африка, на пример, Законот за контрола на огнено оружје и Законот за семејно насилство им даваат на жените моќ да преземат дејства против семејното насилство, барајќи од полицијата или судските службеници да конфискуваат огнено оружје кога жалбата за семејно насилство вклучува оружје.
Маја Ивановска