СОТИР ГАБЕЛОСКИ
Додека сите бараа брза и „патриотска“ реакција, премирот Димитар Ковачевски покажуваше пресметливост и трпение за на крај да го каже најпатриотскиот став пред цела Европа.
Во спроведувањето на стратешките политики не може да се избрзува со изјави како да се бираат производи на пазар. Дополнително, треба да се почекаат или „подготват“ околности во кои ќе се каже она што треба да се каже за да има најголем ефект. Премиерот Димитар Ковачевски го покажа тоа со вчерашната изјава. Не брзаше претходно да дава изјави, туку почека на еден официјален начин, пред камерите од цела Европа да го каже јасниот став на владата, а со тоа и на граѓаните на Македонија.
Во меѓувреме, сите оние штетници кои прво мислат на партијата, па на државата се „истрчаа“ со изјави и на крајот излегоа со најголеми рогови. Нивната краткогледост дополнително го крена рејтингот на „патриотизмот“. Кој е сега поголем патриот од македонските политичари, што мислите? Оној што во рамки на својата партија на европско ниво ги поддржа позициите на Бугарија, или оној кој мудро чекаше да каже дека во ЕУ ќе одиме само преку македонскиот јазик?
Има разлика меѓу Ковачевски и неговите партнери од „Отворен Балкан“, исто така. Еди Рама преку својата реторика „билдаше“ политички поени дома и тоа денови пред вчерашните настани. Александар Вучиќ е познат по својата „пркосност“ пред својот народ уште многу поодамна. Нашиот премиер и тука одлучи рејтингот на својата партија да го стави во втор, трет план, па мудро молчеше во својата држава по цена на критики. Ковачевски не го искористи ниту моментот на првото објавување на „Францускиот предлог“ за да поентира дома.
Една држава се гради врз база на стратешки планови. Држава не се интегрира во ЕУ и НАТО со краткорочни погледи. СДСМ уште еднаш покажа дека стратешки секогаш ги носи вистинските одлуки.
