Научниците ширум светот бараат индиции за да ја утврдат големината, опсегот и сериозноста на порастот на „Ковид“ во Кина. Но, тие веќе немаат веродостојни информации од владата за тоа колку брзо се шири вирусот, колку луѓе починале или дури и дали земјата може да биде извор на нова и опасна варијанта, пренесува Њу Јорк Тајмс.
Секоја лична објава или извештај на социјалните мрежи од Кина – оскудни лекови, преплавени болници, преполни крематории – е моженвизвор на информации. Еден тим се обидува да ги искористи податоците за патниците од линиите на метрото во Пекинг за да го одреди потенцијалното ширење.
Официјалниот број на смртни случаи во Кина од 12 смртни случаи овој месец е речиси сигурно нецелосен.
Кинеската влада посочи дека ќе ги смета за смртни случаи од Ковид само оние кои починале од респираторна инсуфициенција директно поврзана со инфекција. Еден лекар во Пекинг изјави дека колегите биле повикани „да не се обидуваат да ја напишат респираторната инсуфициенција предизвикана од Ковид“ како примарна причина за смрт.
Некои најлоши сценарија сугерираат дека Ковид може да убие исто толку луѓе во Кина во следните четири месеци колку што има починати Американци од вирусот за време на целата тригодишна пандемија.
Кина одговори апатично на новото американско правило дека на сите патници од земјата ќе им треба негативен тест за Ковид за да го посетат.
Подготви: Д. Мишев
