Првото читање на предлог-законот за употребата на македонскиот јазик во комисиската расправа помина во пријатна атмосфера и драго ми е што се надминаа пречките што постоеја во таа комисија, изјави министерката за култура Бисера Костадиновска Стојчевска во гостувањето на МРТ.
Сите политички партии го поздравија носењето на ваков закон. Го должиме како генерација и како политичари на оваа држава. Ги нотиравме природните промени на јазикот и тие треба да се пресликаат онака каква што е реалната состојба, рече министерката.
Според неа, новиот закон е од исклучителна важноста, бидејќи ја регулира правилната употреба на македонскиот јазик и неговото кирилско писмо.
Со него се зголемува улогата и важноста на лекторите. Секоја институција ќе мора да има лектор за сите акти што една институција ги произведува. Секоја документација мора да биде лекторирана, информира министерката.
