Да заклучам со следново. Дискурсот кој се користи од Бугарија кон Северна Македонија за жал е многу сличен на дискурсот кој руската федерација го користи кон Украина, истакна премиер Димитар Ковачевски.
Тој нагласи дека е неприфатливо таквите обвинувања да се злоупотребуваат за политички цели особено во овој клучен период за иднината на Европа. Северна Македонија е меѓународно признаена како функционално модерно мултиетничко општество каде што се почитуваат сите права. Сите извештаи го потврдуваат тоа.
Обвинувањата наведени на овој Самит од страна на претставникот на Бугарија се целосно неосновани и доаѓаат од земја која што не ги почитува пресудите на ЕСЧП и стандардите на Советот во областа на човековите права, подвлече премиерот Ковачевски во обраќањето на генералната дебата „Обединети за Европа“ на Самитот на Совет на Европа во Рејкјавик.
