Gazetari qytetar dhe bashkëpunëtor i CIVIL – Qendra për Liri, Jane Mamuçevski, i cili si pronar i portalit “Maleshevski vesnik” rregullisht e ndjek punën e Këshillit të Komunës së Berovës, na informoi se në seancën e fundit të jashtëzakonshme të Këshillit i është shkurtuar e drejta për të marrë pjesë.
Sipas Mamuçevskit, arsyeja për obstruksionet e së drejtës së informimit dhe në prani të seancës, që është me karakter të hapur është qëndrimi i tij kritik ndaj pushtetit lokal.
Për temën që është në interes të berovasve – se për shkak të një grumbulli mbeturinash, Berova në vend se të bëhet qytet turistik t’i ngjajë një deponie të egër, Mamuçevski ka shkruar në portalin e vet “Maleshevski vesnik” edhe në ditën e mëparshme.
“Sot ndodhi diskriminim i paparë i kryetarit të komunës së Berovës, Dragi Naxhinski. Edhe përkundër ftesës zyrtare të kryetarit të Këshillit të Komunës së Berovës për të marrë pjesë në seancën e jashtëzakonshme, në të cilën si pikë e vetme ishte gjendja e ndërmarrjes komunale NPK “Shërbimi”, punëtorët e së cilës qe tri ditë po mbajnë grevë, unëu përjashtova”, shkroi Mamuçevski në informacionin e dërguar deri te CIVIL Media.
“Para se të hyja në seancë të Këshillit, u ndalova nga sigurimi që më kërkoi akreditim. Në atë iu përgjigja se seanca është publike dhe se mundet çdo qytetar të marrë pjesë, po megjithatë ua dhashë akreditimin. Në atë moment, kryetari i Këshillit u tha sigurimit se mund të marr pjesë, po edhe përskaj kësaj, punëtori nuk dëshiroi të më lëshojë dhe me celular e thirri kryetarin Naxhinski. Në thirrjen telefonike kryetari i komunës me nervozizëm u përgjigj se “për mua ai institucion është i ndaluar”. “Sipas meje”, shkruan Mamuçevski, “kjo paraqet një lloj diskriminimi, gjegjësisht pengim të lirisë së informimit. U habita nga ligësia e arroganca e kryetarit të komunës ndaj një personi që thjesht po i kryen standardet profesionale të gazetarisë. Vallë, a kështu do të luftojmë për rregullim të mediumeve?”, pyet Mamuçevski në informacionin për ngjarjen në Berovë.
Kjo përmbajtje botohet në kuadër të raundit të dytë të konkursit “Bëhu gazetar qytetar” i projektit “Objektivi qytetar” të , i mbështetur nga National Endowment for Democracy. Përmbajtja e këtij kontributi është redaktuar minimalisht nga redaksia e CIVIL Media, në përputhje me konceptin e projektit dhe të ueb-faqes.
