Германската министерка за Европа Ана Лурман се огласи по дипломатскиот скандал на Владата на РС, која прогласи персона нон грата и низата навреди од Милорад Додик.
„Денеска бев во Бања Лука во Босна и Херцеговина. Тоа е прекрасен град со одлични луѓе. Луѓето што ги запознав таму ме пречекаа топло. Имав голем број одлични средби со граѓанскиот сектор и опозицијата. Сецесионистичките постапки на Додик се неприфатливи“ – вели Лурман во видео објавено на X.
Таа нагласи дека при крајот на нејзината програма во Бања Лука, Додик уште еднаш го покажал својот деструктивен пристап.
– Неговите претставници ни се закануваа на мене и на мојата делегација со насилство. Ова е знак на слабост. Додик е се поизолиран и нема поддршка од граѓаните на РС.
Добив многу пораки за поддршка од Бања Лука – луѓето се срамат од постапките на Додик.
Јасно им порачувам на сите луѓе во РС: Ние ќе продолжиме да бидеме со вас – на вашиот пат кон просперитет, кон стабилност и кон ЕУ – рече Лурман.
Today I was in Banja Luka in Bosnia and Herzegovina. It’s a beautiful city with great people. The people I met there welcomed me warmly. I had a number of excellent meetings with civil society and opposition. Dodik’s secessionist actions are unacceptable. 1/3 pic.twitter.com/3f6zJGCWLF
— Anna Lührmann (@AnnaLuehrmann) April 4, 2025
Д. Т.
