Претставникот на ЦИВИЛ, Џабир Дерала, на тематскиот форум „Една година Влада – осврт на граѓанските организации“ во организација на Цивика Мобилитас ги постави прашањата, што ЦИВИЛ, како организација за човекови права и слободи, но и со догогодишно искуство во изборниот мониторинг, ја засега во интерес на граѓанките и граѓаните.
Прашањата ги одговори Дамјан Манчевски, министер за информатичко општество и администрација, кој заедно со премиерот Зоран Заев, беа задолжени на овој форум дополнително да придонесат за добра комуникација и соработка на Владата со граѓанското општество.
„Првото прашање на ЦИВИЛ се однесува на структурата на Владата, која на некој начин како да ја преслика структурата на претходната Влада. Дали имате план да ја намалувате, да биде помала, поефикасна и поблиску до она што го планиравте и ветивте пред изборите… Второто прашање е дали имате намера во наредниот период некако да се корегира родовата застапеност во институциите, однос да има 50или 51 посто жени што ќе бидат на раководни функции… Третото прашање е дали сè уште стоите зад идејата Македонија да биде една изборна единица“, беа прашањата што ги постави Џабир Дерала во име на ЦИВИЛ-Центар за слобода.
„Структурата на Владата ја отсликува комплексноста на состојбата во Собранието. Тоа беа резултати од изборите и бевме приморани на комромиси. Она што мислам дека е поважно за граѓаните е неколку има министри туку колку има институции и колку се тие ефикасни. Во тој контекст сме во финална фаза, имаме и драфт документ што набрзо ќе го објавиме да го коментија кој било… Во делот на родовата рамноправност она што досега е постигнато е наш предлог и заложба како социјал демократи… Паритетот е сè уште предлог и е во програмата на СДСМ.Наш предлог е 50-50, но во моментот, искрено ќе ви одговорам, немаме поддршка и разбирање од другите политички фактори со кои ова заедно мораме да го постигнеме… Изборен модел, закон, мора да се направи со консензус на сите политички партии и тука немаме намера да се надгласуваме…. Ни сме за една изборна единица, да сакаме да ги слушнеме аргументите на домашната и светската јавност за и против, па зедно да донесеме одлука“, беа одговорите на министерот Дамјан Манчевски.
На тематскиот форум присуствуваа околу 100 претставници на граѓанскиот сектор чии прашања беа структуирани по области. Заев и Манчевски одговараа на прашања што освен за изборните процеси, се однесуваа и на родовите прашања, борбата против корупција, медиумите, финансирањето на граѓанските организации, како и за правата на лицата со попреченост.
Биљана Јордановска
Камера: Атанас Петровски
