ИДАХОБИТ се обележува секоја година на 17-ти Мај за да се привлече вниманието на властите, медиумите, јавноста, креаторите на јавното мислење и локалните авотритети за ситуацијата со која се соочуваат ЛГБТИ лицата (лезбејки, геј, бисексуалци, трансродови лица и интерсекс) и сите тие кои не се однесуваат во согласност со повеќето сексуални и родови норми.
Овој ден е создаден во 2004 година за да го привлече вниманието на креаторите на политики, креаторите на јавното мислење, социјалните движења, јавноста и медиумите за насилството и дискриминацијата искусена од ЛГБТИ лицата на меѓународно ниво.
Датумот 17-ти беше избран за да се комеморира одлуката на Светската Здравствена Организација која во 1990 одлучи да ја декласификува хомосексуалноса од листат на ментални болести.
Меѓународниот ден против Хомофобија, Бифобија и Трансфобија e официјално признаен од многу држави, меѓународни институции како што е Европскиот Парламент и од многубројни локални власти.
ЛГБТ Јунајтед Тетово за да го одбележи овој 17-ти Мај го одбра симболично мотото „Обединти во различности и солидарност“ за да ја облежи тешката ситуација со која се соочуваме речиси една година поради пандемијата на Ковид 19. Оваа глобална криза ни покажа дека постојат многу хумани луѓе и дека во ваквите моменти на неизвесност и потреба од помош за најранливите категории на граѓани, хуманоста ја победува омразата, доброто се издигнува над злото, a разликите стануваат невидливи во духот на општочовечката припадност. Сето ова нема да беше возможно без довербата и поддршката на многу хумани лица и поддржувачите на ЛГБТИ заедницата.
ЦИВИЛ ја поддржува ЛГБТ заедницата, како и сите други заедници кои се борат за своите права и еднаквост, во заедничката борба против насилството и дискриминацијата, со истакнување на мултикултурните вредности што ги поседува нашата земја во најразлични форми. ЦИВИЛ на крајот на изминатата година ја започна иницијативата со сличен наслов како на ЛГБТ Јунајтед Тетово, „Обединети во различноста“, а веќе од месец април годинава, како продолжение на оваа иницијатива, интензивно работи на промовирање на мултикултурните и европски вредности во нашето општество, во рамките на проектот „Направи разлика: Почитувај ги различностите“.
