Научил ли нешто министерот за смрт нешто доблесно во животот или барем на часовите по карате? Од сè што видовме и искусивме од него во изминатите години, одговорот е не. Во партијата што ја киднапираа неговиот шеф и неговиот братучед, сигурно е дека морал да научи само како да биде вреден, лојален и посветен на криминалното практикување на моќта.
Тодоров сигурно го заслужи прекарот министер за смрт. Тој ги погреба и образованието и здравството. Во првиот, тој го уби знаењето и вредностите, а во вториот, здравјето. Тој вредно работеше и на уништување на достоинството на наставниот кадар и лекарите.
На Фесјбук ја истраска својата оставка од позицијата на пратеник во парламентот, без ни малку почит кон институцијата. Ќе се посветел на адвокатура и на партиските задачи. Нам не ни е важно дали на овој пост на Фејсбук му претходел телефонски повик или некој зафат кој го надминува знаењето соодветно на црниот појас кој го носи.
Оваа индивидуа има многу повеќе на својата агенда во наредните години – одговорност за деструкцијата што директно ја предизвика, каде и да се појави. Одговорност за Тамара и за стотиците новороденчиња кои умреа, за сите деца кои не добија шанса да се оперираат во странство, за стрмоглавиот пад на образованието, за сите лекари и наставници чии работнички права беа ставени под неговиот ѓон, за сите солзи на родителите…
Од овој човек можеме да прифатиме само едно – да сведочи, во детали и вистинито, за своите мрачни постапки и недела, но и за сите криминали на неговите газди. И за првпат да покаже доблест и да ја преземе одговорноста за сето тоа. Има ли капацитет за тоа?
Машинеријата што ја изгради Груевски создаде услови за раѓање монструми кои бесрамно лажеа, делеа и парчосуваа, безмилосно се пресметуваа со неистомислениците, корумпираа, понижуваа, секој ден крадеа како да нема утре, тепаа и убиваа… Длабоки се корените на злото кое го посеаја овие зулумќари. Без оглед на тоа колку може да изгледа како победа повлекувањето на министерот за смрт, оставките, истрагите и процесите кои се водат против нив – тие се длабоко вгнездени и работат против слободата и правдата. Злоделата не смеат да бидат оставени на заборавот.
