Ноќта на 6 јуни, Руската Федерација ја разнесе браната на Каховската хидроелектрична централа, која се наоѓа во близина на градот Нова Каховка во привремено окупираната територија на Херсонската област. Десетина населени места од двете страни на реката Днипро се во опасност од поплави стои во сооптението на Украинското МНР.
Единиците на Националната полиција и Државната служба за вонредни ситуации на Херсонската област преземаат итни мерки за евакуација на цивилното население од потенцијалните зони на поплави. Во тек е предупредувањето на жителите на привремено окупираниот лев брег на Херсонската област.
Разнесувањето на браната на ХЕЦ Каховка од страна на РФ го сметаме за терористички акт против украинската критична инфраструктура, чија цел е да предизвика што е можно повеќе жртви и уништување. За терористичкиот напад на ХЕЦ Каховка претходно жестоко се дискутираше на ниво на окупаторските сили во Херсонската област и пропагандистите на руската телевизија, што укажува дека тој бил однапред планиран.
Разнесувањето на браната на ХЕЦ Каховка е технолошки и еколошки тероризам, најголемата технолошка катастрофа во Европа во последните децении, уште една манифестација на рускиот геноцид врз Украинците. Ова е одговорот на Кремљ на земјите кои повикуваат на мировни преговори со РФ.
Поради намалување на нивото на водата во Каховскиот резервоар, може да има опасност од инцидент на друг критичен инфраструктурен објект окупиран од Русија – АЕЦ Запорижја.
Ја повикуваме меѓународната заедница најостро да го осуди рускиот терористички напад врз ХЕЦ Каховка.
Технолошкото злосторство на РФ ја потврдува високата актуелност на Формулата за мир на Претседателот на Украина Володимир Зеленски. Ги повикуваме меѓународните партнери да се приклучат на нејзиното спроведување што е можно поскоро, особено на точките за борба против екоцидот, нуклеарната и енергетската безбедност.
Русија ќе мора да ги компензира сите последици од своето злосторство: како за луѓето, така и за инфраструктурата и животната средина.
Се обраќаме и до земјите од Групата седум и ЕУ итно да размислат за воведување на нови далекусежни санкции против РФ, вклучително против руската ракетна индустрија и нуклеарната индустрија.
Според резултатите од состанокот на Советот за национална безбедност и одбрана утрото на 6 јуни, беше утврден предложениот од страна на Министерот за надворешни работи, Дмитро Кулеба, списокот на активности на Министерството за надворешни работи на Украина во контекст на одговорот, кој, вклучително, вклучува свикување од страна на Украина на итен состанок на Советот за безбедност на ОН и донесување на прашањето за рускиот терористички напад на состанокот на Управниот совет на МААЕ, како и вклучување на Механизмот за цивилна одбрана на Европската унија.
За терористичкиот акт на Русија во ХЕЦ Каховка на својот Твитер профил објави и украинската амбасадорка во земјава, Лариса Дир.
468 ден. државата-терорист рф синоќа ја нападна 🇺🇦 со 35 ракети X-101/X-555; ја разнесе браната на Каховската ХЕЦ. Илјадници луѓе се во опасност.
рф го продолжува геноцидот, екоцидот на територијата на 🇺🇦. Помогнете ѝ на Украина да го запре теророт на 🇷🇺#RussiaIsATerroristState pic.twitter.com/LpqJeeUP2p— Larysa Dir (@dir_larysa) June 6, 2023
468 ден. државата-терорист рф синоќа ја нападна Украина со 35 ракети X-101/X-555; ја разнесе браната на Каховската ХЕЦ. Илјадници луѓе се во опасност. рф го продолжува геноцидот, екоцидот на територијата на Украина. Помогнете ѝ на Украина да го запре теророт на Русија, напиша Дир.
Д. Мишев