Руските сили гранатираа џамија во јужниот украински пристанишен град Мариупол, каде што се засолнети повеќе од 80 возрасни и деца, вклучително и турски државјани, соопшти украинското Министерство за надворешни работи.
The mosque of Sultan Suleiman the Magnificent and his wife Roxolana (Hurrem Sultan) in Mariupol was shelled by Russian invaders.
More than 80 adults and children are hiding there from the shelling, including citizens of Turkey. #StopRussianAggression#closeUAskyNOW pic.twitter.com/Uel5AoyZUt
— MFA of Ukraine 🇺🇦 (@MFA_Ukraine) March 12, 2022
Како што пренесе Би-Би-Си, Украина ја обвини Русија дека одбива да им дозволи на луѓето да излезат од Мариупол, каде се заглавени стотици илјади луѓе.
Русија ја обвинува Украина за неуспехот луѓето да се евакуираат.
Украинското Министерство за надворешни работи на Твитер објави дека џамијата Султан Сулејман Величествениот во Мариупол е гранатирана од руските окупатори.
– Повеќе од 80 возрасни и деца се кријат таму од гранатирањето, вклучително и државјани на Турција, се вели во извештајот.
Нема детали за загинати или ранети лица.
Москва негираше дека нејзини цели се цивилни области.
