Кристијано Роналдо ги поздрави учесниците на хуманитарната аукција, на која маицата потпишана од него беше продадена за 70.000 UAH (2250 евра) за помош на вооружените сили на Украина, пренесува Укринформ.
„Имаме неверојатни вести! Приказната со маицата стигна до Кристијано Роналдо, а денес ја добивме следнава реакција од легендарниот фудбалер: „Се надевам дека мојот дрес на натпреварот со Украина во 2019 година ќе им помогне на младите да имаат подобра иднина и сакам да честитам на украинската фудбалска асоцијација за оваа акција. Се молиме за мир – Кристијано Роналдо“, објави центарот на „Спасете ја Украина сега“ на Фејсбук.
Како што беше наведено, маицата потпишана од Роналдо беше продадена за 70.000 UAH (2250 евра) на хуманитарната аукција. Средствата ќе бидат наменети за набавка на лекови за војската.
Како што е соопштено, хуманитарната аукција за собирање средства за вооружените сили на Украина траеше онлајн од 22 до 26 јуни. Маицата, потпишана од Роналдо, од натпреварот Португалија-Украина на 22 март 2019 година во Лисабон, му припаѓаше на 14-годишно момче од Ивано-Франковск.
Центарот Save Ukraine Now е основан за да ги задоволи потребите на воените баталјони од регионот Ивано-Франковск на линијата на фронтот.
Подготви: Д.Мишев
