Почитувани, дозволете да ви разјасниме: Ние, додека сме на училиште, не сме ваша сопственост! Во моментот кога го кренавме нашиот глас против проектот што ја загрозуваше нашата иднина, бевме таблоидно, јавно и транспарентно осудени, заклучувани во училиштата како во поправни домови, и тоа беше осудено како начин на кој се узурпира и бесполезно прекинува наставата.
Сега, по само две години, истите тие господа, директори, професори, нѐ тераат да се приклучиме кон нешто што го компромитира и ни малку не го тангира нашето битисување во училиштата и училишниот систем. Исто така, строго го осудуваме обидот и револтирани сме од изнесените написи во одредени медими, кои преку спин и манипулација, сакаат да ги претстават учениците кои се на одмор – како се упатуваат на протести во Скопје.
Искрено се надеваме дека ваквото пропагандистичко и таблоидно изнесување на вести ќе престане, а средношколците нема да бидат на удар на политички групации. Повикуваме на зрелост и смиреност, а од надлежните институции и ресорното Министерство, недвосмислена и итна реакција. Средношколците се тука, за да го збогатат своето знаење, да инвестираат во својата иднина и во иднината на цела Македонија, да се спротивстават едногласно на нешто што го попречува и ограничува тој процес .
Средношколците не се „живо топовски месо“, ниту „пиони“, а најмалку пак, политичари во оваа земја!
#ПоздравПленумци