ДИЈАНА ТАХИРИ
Во Северна Македонија има наезда од затвореници кои мирно си ги извршуваат своите дневни „обврски“, повеќето за кои се осудени и затворени, надвор од своите затворски ќелии.
Случка 1 – Маж за кој цела јавност знае дека е во затвор, учествува во сообраќајна несреќа со фатална последица по еден човек и уште еден тешко повреден, 100 километри од својата затворска ќелија (ќелијата во Струга, сообраќајката на Стража). Името на затвореникот е според градот помеѓу Струга и Стража, лесно ќе погодите за кого станува збор.
Случка 2 – Во затворот во Струга пред извесно време (помеѓу честите влезови и излези од притвор во домашен и обратно па правец странство за одеднаш да се најде во реченицата на најславното новинарско прашање „господине М. во Македонија сте? – во строгиот центар на Скопје пред својот хотел)“, затворските полицајци не можеле да ја отворат празната ќелија бидејќи затвореникот излегол „по работа“, ја заклучил ќелијата и си го земал клучот. Погодете кој е ликот…
Случка 3 – Затвореник во бегство со 20 убоди со нож усмртува човек во центарот на Скопје.
Најтазе случка – Затвореник извршил кражба во Кисела Вода.
Најверојатно има уште случки за кои во моментов не можам да се сетам. Но, и овие се доволни за да се прикаже реалната слика на упорното работење на секакви реформи во земја со територија од некои 25.713 квадратни километри, низ која осуденици се шетаат слободно како слатки овчички на росни „корупциски“ ливади , врзвувајќи шарени машни на средниот прст свртен накај сите, а највеќе, и со подбив накај „реформаторите“ и „антикорупционерите“, домашни и странски.
Текстот е личен став на Авторката. Дозволено е преземање на текстот според лиценцата Creative Commons 4.0.
