Најголемата епидемија на колера што го погоди Малави во последните две децении однесе 750 животи, рече министерката за здравство на земјата, додека шефот на Светската здравствена организација ја опиша оваа југоисточна африканска земја како меѓу најтешко погодените среде тековните глобални епидемии кои се „распространети и смртоносни од нормалните”, пренесува Washington Post.
Министерката за здравство на Малави, Хумбизе Кандодо Чипонда во четвртокот нареди затворање на многу бизниси на кои им недостасува безбедна вода, тоалети и хигиенски објекти за отстранување на отпадот и најави ограничувања за продажба на претходно зготвена храна.
„Продолжуваме да бележиме зголемен број случаи низ целата земја, и покрај знаците за намален пренос и смртни случаи во неколку области“, се вели во соопштението на Чипонда, која повика на почитување на санитарните и хигиенските мерки.
Чипонда во средата рече дека 17 лица починале од 589 нови случаи „во последните 24 часа“.
Таа додаде дека во Малави се регистрирани 22.759 случаи од почетокот на епидемијата во март минатата година.
