Александар Мартиновиќ уби 12 сограѓани во Цетиње, Црна Гора, што претставува најтешкото масовно убиство во земјата, известуваат црногорските медиуми, пренесува ЦивилМедиа. Четири лица се ранети и се наоѓаат во тешка состојба, додека сторителот на злосторството, Мартиновиќ, изврши самоубиство. Жртвите ги убил на пет различни локации.
Според анализата на црногорскиот Портал Аналитика, до вчера, најтешкото масовно убиство во Црна Гора беше она што го изврши Вук Бориловиќ (34) во август 2022 година во цетињската населба Медовина, кога уби 10 лица. Крвавиот поход на Бориловиќ беше прекинат со негово убиство.
Во јуни 1992 година, Коста Дамјановиќ (22) во Пушањски Дол кај Плевља уби девет лица. Злосторството го изврши во алкохолизирана состојба, а неговиот поход беше запрен од синот на една од жртвите, Досте Шубариќ, кој му ја одзел пушката и го убил.
Година подоцна, во 1993 година, шест лица беа убиени во бјелополското село Чокрлије од малолетниот Момчило Церовиќ (14), кој во семејниот дом ги уби татко му, мајка му, брат му, баба му и внукот. Иста број жртви имаше во 2001 година при експлозија во куќа во Беране, каде што беше и Зоран Стеванчевиќ, кој го поставил експлозивот.
Уште еден тежок злостор се случи за време на новогодишните празници, на ноќта на 31 декември 2005 година, во Зеленика кај Херцег Нови. Милан Зековиќ тогаш го уби петчленото семејство Рогановиќ од Цетиње, меѓу кои имаше и три деца на возраст од 7 до 12 години.
Сепак, досега во Црна Гора не се случило масовно убиство на пет различни локации.
Од порано датира нерасчистениот случај од Сутоморе, каде што во февруари 1965 година беа убиени четворица членови од семејството Новаковиќ – постара жена, нејзиниот син и двете ќерки.
Четири жртви беа забележани и во уште едно масовно убиство во 1993 година кај Бјело Поље. Ново Сошиќ (44) тогаш отишол на кафе кај роднини, по што ги ликвидирал – убиени беа сопругот, сопругата и нивните деца на возраст од 12 и 8 години.
