Претседателката на Европската комисија, Урсула фон дер Лајен ја осуди боливиската војска која се обиде да го собори демократски избраниот претседател на земјата.
„Силно го осудувам обидот за соборување на демократски избраната влада на Боливија“, напиша Фон дер Лајен на Х.
„Европската унија стои зад демократиите. Ја изразуваме нашата силна поддршка за уставниот поредок и владеењето на правото во Боливија“, порача таа.
I firmly condemn the attempts to overthrow the democratically elected government of Bolivia.
The European Union stands by democracies.
We express our strong support for the constitutional order and rule of law in Bolivia.
— Ursula von der Leyen (@vonderleyen) June 26, 2024
Претседателот на Европскиот совет, Шарл Мишел, исто така се огласи на мрежата Х за да ја осуди акцијата на армијата.
„Силно го осудувам воениот бунт против боливискиот уставен поредок и демократски избраната влада на претседателот (Луис) Арсе“, напиша тој.
I strongly condemn the military uprising against the Bolivian constitutional order and the democratically elected government of President Arce.
The European Union supports democracy and the Bolivian people.
— Charles Michel (@CharlesMichel) June 26, 2024
Шефот на ЕУ, Жозеп Борел, рече дека „Европската унија го осудува секој обид за поткопување на уставниот поредок во Боливија и за соборување на демократски избраните влади и ја изразува својата солидарност со боливиската влада и народ“.
Боливискиот претседател Луис Арсе го разреши шефот на боливиските вооружени сили, генерал Хуан Хозе Зунига, обвинувајќи го за обид за државен удар, а боливиските власти го уапсија.
Претходно, армијата под команда на Зунига донесе оклопни возила и војници на централниот градски плоштад во Ла Паз во обид да изврши државен удар и да упадне во претседателската палата.
