Два германски борбени авиони „Еурофајтер“ беа испратени да пресретнат руски извидувачки авион Ил-20 над Балтичкото Море на 26 август, објави Дојче Веле (DW).
Командата на НАТО даде наредба за пресретнување на Ил-20, кој леташе со исклучени транспондери и без да поднесе план за лет. Германските борбени авиони полетаа од воздухопловната база Росток-Лаге.
Сегашната операција беше веќе десеттиот лет на тревога на авиони на германските воздухопловни сили над Балтичкото Море од почетокот на годината, објави новинската агенција ДПА.
Ситуацијата во балтичкиот регион неодамна стана напната поради обиди за шпионажа и наводни акти на саботажа. Руските извидувачки авиони постојано летаат од Калининград за да соберат информации за воената активност на НАТО на балтичкиот брег, особено во Полска, Германија, Данска и Шведска. Ваквите летови се сметаат за дел од „руските воени тактики за заплашување и собирање разузнавачки информации“, напиша претходно германскиот весник „Билд“.
Бројот на конфликтни ситуации во Балтичкото Море меѓу Русија и европските земји-членки на НАТО ќе се зголеми, предвидуваат безбедносните експерти.
Европа треба да се подготви за нова фаза на ескалација на конфликтот со Русија во балтичкиот регион, изјави на 24 јули за ДВ Хелге Адриан од Фондацијата за наука и политика (SWP) со седиште во Берлин.
Адрианс очекува забележително зголемување на случаите на „придружба на руски танкери во сенка од страна на руската морнарица низ Северното и Балтичкото Море“. Следното ниво на ескалација на конфликтот во балтичкиот регион со Русија, според него, е „веднаш зад аголот“.
Д. Мишев
